ತುಮಕೂರು: ಬೆಂಗಳೂರಿನ ಗಲಭೆಗೆ ಕಾರಣರಾದವರನ್ನ ಸಾಮೂಹಿಕವಾಗಿ ಗಲ್ಲಿಗೇರಿಸಬೇಕು. ಆಗ ಮಾತ್ರ ಅಂಥವರು ಬುದ್ದಿ ಕಲಿಯುತ್ತಾರೆ ಎಂದು ಮಾಜಿ ಸಚಿವ ಸೊಗಡು ಶಿವಣ್ಣ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ತುಮಕೂರಿನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕಾಂಗ್ರೆಸ್ನವರು ಮೀರ್ ಸಾದೀಕ್ಗಳು, ದೇಶಾಭಿಮಾನವಿಲ್ಲದ ನಾಚಿಕೆಗೇಡಿಗಳು. ಮತಕ್ಕಾಗಿ ಓಲೈಕೆ ರಾಜಕಾರಣ ಮಾಡುತ್ತಿದ್ದಾರೆ ಎಂದು ಗುಡುಗಿದರು.
ರಾಮಲಿಂಗಾರೆಡ್ಡಿ ಮೀರ್ ಸಾದಿಕ್ ರೆಡ್ಡಿಯಾಗಿದ್ದಾರೆ. ಕಾಂಗ್ರೆಸ್ನವರು ನೋಡೋಕೆ ಒಳ್ಳೆಯವರು. ಒಳಗೆ ಗಬ್ಬು ನಾರುತ್ತಾರೆ ಎಂದರು.
ಸಿದ್ದರಾಮಯ್ಯರಿಗೆ ಮಾನ ಮರ್ಯಾದೆ ಇಲ್ಲ. ಎಸ್ಡಿಪಿಐ, ಪಿಎಫ್ಐ ಸಂಘಟನೆಯನ್ನ ಬೆಳೆಸಿದ್ದು ಇವರೇ. ಅವರ ಮೇಲಿದ್ದ ಕೇಸನ್ನು ವಾಪಸ್ ಪಡೆದಿದ್ದು ಅವರೇ. ಅವರ ಪಾಪದ ಕೂಸು ಇವತ್ತು ಗಲಭೆ ಮಾಡಿದೆ ಎಂದರು.
ಇಡೀ ದೇಶದಲ್ಲಿ ಕಾಂಗ್ರೆಸ್ನ ಕುಮ್ಮುಕ್ಕಿನಿಂದ ಗಲಭೆಕೋರರಿಗೆ ಪ್ರೋತ್ಸಾಹ ಸಿಗುತ್ತಿದೆ. ಮುಸ್ಲಿಂ ಸಮುದಾಯದ ಯುವಕರು ಆಂಜನೇಯ ಸ್ವಾಮಿ ದೇವಸ್ಥಾನದ ರಕ್ಷಣೆ ಮಾಡುವ ನಾಟಕ ಆಡಿದ್ದಾರೆ.
ಮುಂದೆ ನಾವು ಹುಲಿ ವೇಷ ಹಾಕಿ ಅಂಥವರಿಗೆ ಬುದ್ದಿ ಕಲಿಸಬೇಕಾಗುತ್ತದೆ ಎಂದರು.
