ತುಮಕೂರು: ಸಿದ್ಧಗಂಗಾ ಮಠದ ಶ್ರೀ ಸಿದ್ದಲಿಂಗ ಸ್ವಾಮೀಜಿ ಪ್ರತಿದಿನ ಮಠದ ಮಕ್ಕಳೊಂದಿಗೆ ಕೆಲಕಾಲ ಆಟ ಆಡುವ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಇತ್ತೀಚೆಗೆ ಬ್ಯಾಟ್ ಹಿಡಿದು ಅಂಗಳಕ್ಕೆ ಇಳಿದಿದ್ದ ಸ್ವಾಮೀಜಿ, ಸಿಕ್ಸ್ ಬಾರಿಸುವ ಮೂಲಕ ತಾವೂ ಕೂಡ ಕ್ರಿಕೆಟ್ ಪಟು ಎಂದು ಸಾಬೀತು ಪಡಿಸಿದ್ದರು.
ಕ್ರಿಕೆಟ್ ಆಡಿದ ಸಿದ್ದಗಂಗಾ ಮಠದ ಸ್ವಾಮೀಜಿ..!
ಇದೀಗ ವಾಲಿಬಾಲ್ ಹಿಡಿದು ಅಂಗಳಕ್ಕೆ ಬಂದ ಅವರು, ಮಕ್ಕಳ ಜೊತೆ ಆಟವಾಡಿ ರಂಜಿಸುವ ಮೂಲಕ ಕ್ರಿಕೆಟ್ ಅಷ್ಟೇ ಅಲ್ಲ ನಾನೋರ್ವ ಆಲ್ ರೌಂಡರ್ ಕ್ರೀಡಾಪಟು ಎಂದು ತೋರ್ಪಡಿಸಿದರು. ನಿತ್ಯ ಸಂಜೆ ವಾಯು ವಿಹಾರಕ್ಕೆ ಹೋಗುವ ಸ್ವಾಮೀಜಿ, ಅಲ್ಲಿ ಕೆಲಕಾಲ ಮಕ್ಕಳೊಂದಿಗೆ ಆಟವಾಡಿ ಕ್ರೀಡಾ ಮನೋಭಾವನೆಯನ್ನು ಇಮ್ಮಡಿಗೊಳಿಸುತ್ತಿದ್ದಾರೆ. ಮಕ್ಕಳೂ ಸಹ ಅಷ್ಟೇ ಸಂತಸದಿಂದ ಪಾಲ್ಗೊಂಡು ಸ್ವಾಮೀಜಿಗಳ ಆಟಕ್ಕೆ ಸಾಥ್ ನೀಡುತ್ತಾರೆ.
ಮಕ್ಕಳೊಂದಿಗೆ ವಾಲಿಬಾಲ್ ಆಡುತ್ತಿರುವ ಶ್ರೀ ಸಿದ್ದಲಿಂಗ ಸ್ವಾಮೀಜಿ
