ತುಮಕೂರು: ಕಲ್ಪತರು ನಾಡು ತುಮಕೂರು ಜಿಲ್ಲೆಯಲ್ಲಿ ನಿನ್ನೆ 184 ಹೊಸ ಕೊರೊನಾ ಪಾಸಿಟಿವ್ ಪ್ರಕರಣಗಳು ದೃಢಪಟ್ಟಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 19,232 ಕ್ಕೆ ಏರಿಕೆಯಾಗಿದೆ.
ತುಮಕೂರು ತಾಲೂಕಿನಲ್ಲಿ 58 ಮಂದಿಗೆ ಸೋಂಕು ತಗುಲಿದರೆ, ಚಿಕ್ಕನಾಯಕನಹಳ್ಳಿ 33, ಶಿರಾ ತಾಲೂಕಿನಲ್ಲಿ 25, ತುರುವೇಕೆರೆ ತಾಲೂಕಿನಲ್ಲಿ 19, ತಿಪಟೂರು ತಾಲೂಕಿನಲ್ಲಿ 7, ಪಾವಗಡ ತಾಲೂಕಿನಲ್ಲಿ 8, ಗುಬ್ಬಿ ತಾಲೂಕಿನಲ್ಲಿ 6, ಕೊರಟಗೆರೆ ತಾಲೂಕಿನಲ್ಲಿ 5, ಕುಣಿಗಲ್ ತಾಲೂಕಿನಲ್ಲಿ ಮೂವರಿಗೆ ಸೇರಿದಂತೆ ಒಟ್ಟು 184 ಜನರಿಗೆ ಕೊರೊನಾ ವಕ್ಕರಿಸಿದೆ.
ಶನಿವಾರ 254 ಮಂದಿ ಸಂಪೂರ್ಣ ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಇದುವರೆಗೂ 17,192 ಸಂಪೂರ್ಣ ಗುಣಮುಖರಾಗಿದ್ದಾರೆ. 1,641 ಮಂದಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ನಿನ್ನೆ ಇಬ್ಬರು ಚಿಕಿತ್ಸೆ ಫಲಕಾರಿಯಾಗದೆ ಸೋಂಕಿನಿಂದ ಮೃತಪಟ್ಟಿದ್ದು, ಮೃತರ ಸಂಖ್ಯೆ 250ಕ್ಕೇರಿಕೆಯಾಗಿದೆ.
