ಪೊಲೀಸರ ಅಮಾನತಿಗೆ ಕಾರಣನಾದ ಆರೋಪಿ ಅರೆಸ್ಟ್‌

ಅತ್ಯಾಚಾರ ಪ್ರಕರಣದ ಆರೋಪಿ ವೈದ್ಯಕೀಯ ತಪಾಸಣೆ ವೇಳೆ ಪರಾರಿಯಾಗಿದ್ದು ಕರ್ತವ್ಯ ಲೋಪ ಹಿನ್ನೆಲೆ ಮಾಳೂರು ಪೊಲೀಸ್​ ಠಾಣೆ ಪಿಎಸ್​ಐ ಅಶ್ವಿನ್ ​ಕುಮಾರ್ ಹಾಗೂ ಹೆಡ್​ಕಾನ್ಸ್‌ಟೇಬಲ್​ ಪ್ರಸನ್ನ ಅವರನ್ನು ಸೇವೆಯಿಂದ ಅಮಾನತು ಮಾಡಲಾಗಿತ್ತು.

ಶಿವಮೊಗ್ಗ: ಅತ್ಯಾಚಾರ ಪ್ರಕರಣದ ಆರೋಪಿ ಸುರೇಶ ಎಂಬಾತ ವೈದ್ಯಕೀಯ ತಪಾಸಣೆ ವೇಳೆ ಪರಾರಿಯಾಗಿದ್ದ. ಹೀಗಾಗಿ ಕರ್ತವ್ಯ ಲೋಪ ಹಿನ್ನೆಲೆಯಲ್ಲಿ ಇಬ್ಬರು ಪೊಲೀಸ್ ಸಿಬ್ಬಂದಿಯನ್ನು ಅಮಾನತು ಮಾಡಲಾಗಿತ್ತು. ಇದೀಗ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಆರೋಪಿ ಸುರೇಶ

ಪರಾರಿಯಾಗಿದ್ದ ಸುರೇಶ್​ನನ್ನು ಪೊಲೀಸರು ಕೇರಳದ ಕಾಸರಗೋಡಿನ ಅಣಗೂರಿನಲ್ಲಿ ಬಂಧಿಸಿದ್ದು, ನ್ಯಾಯಾಲಯದ ಮುಂದೆ ಹಾಜರುಪಡಿಸಿದ್ದಾರೆ.