ಶಿವಮೊಗ್ಗ: ಜಿಲ್ಲೆಯಲ್ಲಿ ಪೊಲೀಸರು ಸ್ಟಾಪ್ ನಾಯ್ಸ್ ಅಭಿಯಾನ ಆರಂಭಿಸಿದ್ದಾರೆ. ಈ ನಿಟ್ಟಿನಲ್ಲಿ 70 ಸೈಲೆನ್ಸರ್ ಪೈಪ್ಗಳು ಹಾಗೂ 40 ಕರ್ಕಶ ಹಾರ್ನ್ ಗಳನ್ನು ನಾಶಪಡಿಸಿದ್ದಾರೆ. ನಗರದ ಶಿವಪ್ಪ ನಾಯಕ ವೃತ್ತದಲ್ಲಿ ರೋಡ್ ರೋಲರ್ ಮೂಲಕ ಸೈಲೆನ್ಸರ್ ಪೈಪ್ ಗಳನ್ನು ಹಾಗೂ ಹಾರ್ನ್ ಗಳನ್ನು ನಾಶಪಡಿಸಲಾಯಿತು.
ಎಸ್.ಪಿ ಮಿಥುನ್ ಕುಮಾರ್ ನೇತೃತ್ವದಲ್ಲಿ ಸ್ಟಾಪ್ ನಾಯ್ಸ್ ಅಭಿಯಾನ ಆರಂಭಿಸಲಾಗಿದ್ದು, ಕರ್ಕಶ ಶಬ್ದ ಮಾಡಿಕೊಂಡು ಸಂಚರಿಸುತ್ತಿದ್ದ ಹಲವು ದ್ವಿಚಕ್ರ ವಾಹನ ಸವಾರರಿಗೆ ಪೊಲೀಸರು ಬಿಸಿ ಮುಟ್ಟಿಸಿದ್ದಾರೆ.
ಸುಮಾರು 1 ತಿಂಗಳಿನಿಂದ ನಡೆಸಲಾಗಿದ್ದ ಅಭಿಯಾನದಲ್ಲಿ ಟ್ರಾಫಿಕ್ ಪೊಲೀಸರು ಹಲವು ವಾಹನಗಳ ಸವಾರರಿಂದ ವಿವಿಧ ಸೈಲೆನ್ಸರ್ ಮತ್ತು ಹಾರ್ನ್ಗಳನ್ನು ವಶಪಡಿಸಿಕೊಂಡಿದ್ದರು. ಈ ಕಾರ್ಯಾಚರಣೆ ಮುಂದುವರೆಯಲಿದೆ ಎಂದು ಎಸ್.ಪಿ. ಮಿಥುನ್ ಕುಮಾರ್ ಎಚ್ಚರಿಕೆ ರವಾನಿಸಿದ್ದಾರೆ.
ಇನ್ನು, ಕರ್ಕಶ ಹಾರ್ನ್ ಗಳು, ಸೈಲೆನ್ಸರ್ ಗಳಿಂದ ಸಾರ್ವಜನಿಕರಿಗೆ ಕಿರಿಕಿರಿಯುಂಟಾಗುತ್ತಿದೆ. ಇದರಿಂದಾಗಿ ಸಾರ್ವಜನಿಕವಾಗಿ ಸೈಲೆನ್ಸರ್ ಹಾಗೂ ಹಾರ್ನ್ ಗಳನ್ನು ನಾಶಪಡಿಸಲಾಗಿದೆ.
ಇದನ್ನೂ ಓದಿ : ರೋಡ್ ರೋಲರ್ ಹತ್ತಿಸಿ ಕರ್ಕಶ ಸದ್ದು ಮಾಡುವ 631 ಸೈಲೆನ್ಸರ್ ನಾಶ: ವಿಡಿಯೋ
