ಶಿವಮೊಗ್ಗ: ಹೊಸನಗರ ಪಟ್ಟಣ ಪಂಚಾಯತಿಯ ನೂತನ ಸದಸ್ಯೆಯೊಬ್ಬರು ಗೆದ್ದ ಮೊದಲ ದಿನವೇ ಎಲ್ಲರಿಂದ ಭೇಷ್ ಅನ್ನಿಸಿಕೊಂಡಿದ್ದಾರೆ.
ನಿನ್ನೆ ಹೊಸನಗರ ಪಟ್ಟಣ ಪಂಚಾಯತಿಯ ಮೂರನೇ ವಾರ್ಡ್ನಿಂದ ಸಿಂಥಿಯಾ ಸೆರಾವೋ ಕಾಂಗ್ರೆಸ್ ಅಭ್ಯರ್ಥಿಯಾಗಿ ವಿಜಯಶಾಲಿಯಾಗಿದ್ದರು. ಸಿಂಥಿಯಾ ಸೆರವೋ ಗೆದ್ದ ನಂತ್ರ ಪಕ್ಷದವರು ರಸ್ತೆಯಲ್ಲಿ ಪಟಾಕಿ ಸಿಡಿಸಿ, ಸಂಭ್ರಮಾಚರಣೆ ಮಾಡಿದ್ರು. ಸಂಭ್ರಮಾಚರಣೆ ಮುಗಿಯುತ್ತಿದ್ದಂತೆಯೇ ಕಾರ್ಯಕರ್ತರು ಹೊರಟು ಹೋದ್ರು. ಆದ್ರೆ ಸೆರವೋ ಮಾತ್ರ ಪೊರಕೆ ಹಿಡಿದುಕೊಂಡು ರಸ್ತೆಯಲ್ಲಿ ಬಿದ್ದಿದ್ದ ಪಟಾಕಿಯ ಪೇಪರ್ ಗೂಡಿಸಿ ಸ್ವಚ್ಛ ಮಾಡಿದರು.
ಪಟ್ಟಣ ಪಂಚಾಯತಿಯ ನೂತನ ಸದಸ್ಯೆ ಸಿಂಥಿಯಾ ಸೆರಾವೋ
ನೂತನ ಸದಸ್ಯೆ ರಸ್ತೆಯಲ್ಲಿ ಕಸ ಗೂಡಿಸಿದನ್ನು ಒಬ್ಬರು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ಸದ್ಯ ಈ ವಿಡಿಯೋ ಸಾಕಷ್ಟು ವೈರಲ್ ಆಗಿದೆ. ಜನಪ್ರತಿನಿಧಿಗಳು ಇದೇ ರೀತಿ ನಡೆದುಕೊಂಡ್ರೆ ಭಾರತ ಸ್ವಚ್ಛವಾಗುವುದರಲ್ಲಿ ಯಾವುದೇ ಅನುಮಾನವಿಲ್ಲ ಎಂದು ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ.
