ಶಿವಮೊಗ್ಗ : ಜಮೀನು ವಿವಾದ ಸಂಬಂಧ ನಡೆದ ಗಲಾಟೆ ಕೊಲೆಯಲ್ಲಿ ಅಂತ್ಯವಾಗಿದೆ. ಹೊಳೆಹೊನ್ನೂರು ಸಮೀಪದ ತಿಮ್ಮಾಪುರ ಗ್ರಾಮದ ನಿವಾಸಿ ಶಿವಲಿಂಗಪ್ಪ(45) ಕೊಲೆಯಾದ ದುರ್ದೈವಿ. ತಿಮ್ಮಾಪುರ ಗ್ರಾಮದಲ್ಲಿ ಭೂ ವಿವಾದಕ್ಕೆ ಸಂಬಂಧ ಪಟ್ಟಂತೆ ಶಿವಲಿಂಗಪ್ಪ ಅವರ ಮಾವ ಹಾಗೂ ಹೊನ್ನಪ್ಪ ಅವರಿಗೆ 1 ಎಕರೆ ಜಮೀನು ಸಂಬಂಧ ವಿವಾದವಿತ್ತು.
ಈ ವಿವಾದ ಪ್ರಕರಣ ಕೋರ್ಟ್ನಲ್ಲಿದ್ದು, ಭೂಮಿಯನ್ನ ಕೊಲೆಯಾದ ಶಿವಲಿಂಗಪ್ಪರ ಮಾವ ಹೊನ್ನಪ್ಪ ಉಳುಮೆ ಮಾಡುತ್ತಿದ್ದರು. ಆದರೆ, ಶಿವಲಿಂಗಪ್ಪ ಕೋರ್ಟ್ನಿಂದ ಇದಕ್ಕೆ ತಡೆಯಾಜ್ಞೆ ತಂದಿದ್ದರು.
ಇಂದು ಜಮೀನಿಗೆ ಬಂದ ಸಂದರ್ಭ ಹೊನ್ನಪ್ಪನ ಕಡೆಯವರು ಮಚ್ಚಿನಿಂದ ಕೊಚ್ಚಿ ಕೊಲೆ ಮಾಡಿದ್ದಾರೆ ಎನ್ನಲಾಗಿದೆ. ಸ್ಥಳಕ್ಕೆ ಹೊಳೆಹೊನ್ನೂರು ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ಓದಿ: ಸರ್ಕಾರಿ ಆಸ್ಪತ್ರೆ ಸಿಬ್ಬಂದಿ ಕರ್ತವ್ಯಕ್ಕೆ ಅಡ್ಡಿ, ಬೆದರಿಕೆ : ಬಂಟ್ವಾಳ ಠಾಣೆಯಲ್ಲಿ ಪ್ರಕರಣ ದಾಖಲು
