ಶಿವಮೊಗ್ಗ: ತಾಲೂಕಿನ ತಾವರೆಕೊಪ್ಪ ಹುಲಿ ಸಿಂಹಧಾಮದ ಹನುಮ ಎಂಬ ಹುಲಿಯು ಇಂದು ಸಾವನ್ನಪ್ಪಿದೆ. ಈ ಹನುಮ ಹುಲಿಯು ಇದೇ ಸಿಂಹಧಾಮದಲ್ಲಿ ಹುಟ್ಟಿದ್ದು,ಇದು 19 ವರ್ಷ 7 ತಿಂಗಳು ಬದುಕಿತ್ತು.
ಈ ಹುಲಿಯು ಇದೇ ಸಿಂಹಧಾಮದ ಚಾಮುಂಡಿ ಎಂಬ ಹುಲಿಯ ಮರಿಯಾಗಿತ್ತು. ಈ ಚಾಮುಂಡಿ ಹುಲಿಯು ರಾಮ, ವಾಲಿ ಹಾಗೂ ಹನುಮನಿಗೆ ಜನ್ಮ ನೀಡಿತ್ತು. ಈ ಮೊದಲು ವಾಲಿ ಸಾವನ್ನಪ್ಪಿದ್ದು,ನಂತರ 2022ರ ಮೇ ತಿಂಗಳಲ್ಲಿ ರಾಮ ಹುಲಿ ಸಾವನ್ನಪ್ಪಿತ್ತು.
ಕಳೆದ ಕೆಲವು ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಹನುಮ ಹುಲಿಗೆ ಸಫಾರಿಯಲ್ಲಿಯೇ ಚಿಕಿತ್ಸೆ ನೀಡಲಾಗುತ್ತಿತ್ತು. ಆದರೆ ಹನುಮ ಹುಲಿ ಇಂದು ಸಾವನ್ನಪ್ಪಿದ್ದು,ಈ ಮೂಲಕ ಸಫಾರಿಯಲ್ಲಿನ ಹುಲಿಗಳ ಸಂಖ್ಯೆ ನಾಲ್ಕಕ್ಕೆ ಇಳಿಕೆಯಾಗಿದೆ.
ಇದನ್ನೂ ಓದಿ :ತಾಜ್ಮಹಲ್ನಲ್ಲಿ ಪಶ್ಚಿಮ ಬಂಗಾಳ ಪ್ರವಾಸಿಗನಿಗೆ ಕಚ್ಚಿದ ಮಂಗಗಳು
