ಭದ್ರಾವತಿಯಲ್ಲಿ ಮನೆ ಗೋಡೆ ಕುಸಿತ: ಯುವತಿ ಸಾವು

ಮನೆಯ ಗೋಡೆ ಕುಸಿದು ಬಿದ್ದು ಯುವತಿಯೋರ್ವಳು ಸಾವನ್ನಪ್ಪಿರುವ ಘಟನೆ ಭದ್ರಾವತಿ ತಾಲೂಕಿನಲ್ಲಿ ನಡೆದಿದೆ. ಇನ್ನು ಘಟನೆ ಕುರಿತು ಹೊಳೆಹೊನ್ನೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಶಿವಮೊಗ್ಗ: ಮನೆಯ ಗೋಡೆ ಕುಸಿದು ಬಿದ್ದು ಯುವತಿ ಸಾವನ್ನಪ್ಪಿರುವ ಘಟನೆ ಭದ್ರಾವತಿ ತಾಲೂಕಿನ ಹೊಳೆಹೊನ್ನೂರಿನಲ್ಲಿ ನಡೆದಿದೆ.

ಹೊಳೆಹೊನ್ನೂರಿನ ಸಿ.ಎನ್. ರಸ್ತೆಯ ಬೇಬಿ ಕುತೇಜಾ(21) ಸಾವನ್ನಪ್ಪಿರುವ ಯುವತಿ ಎನ್ನಲಾಗಿದೆ. ನಿನ್ನೆ ರಾತ್ರಿ ಕುತೇಜಾ ತನ್ನ ರೂಂನಲ್ಲಿ ಮಲಗಿದ್ದ ವೇಳೆ ಗೋಡೆ ಕುಸಿತವಾಗಿದೆ. ಈ ವೇಳೆ ಬೇಬಿ ಕುತೇಜಾ ಸ್ಥಳದಲ್ಲೇ ಸಾವನ್ನಪ್ಪಿದ್ದಾಳೆ.

ಇನ್ನು ಬೇರೆ ಕೋಣೆಯಲ್ಲಿ ಮಲಗಿದ್ದ ಪೋಷಕರಿಗೆ ಹಾಗೂ ಸಹೋದರರಿಗೆ ಯಾವ ಅಪಾಯವಾಗಿಲ್ಲ. ಬೇಬಿ ಕುತೇಜ ಅಯ್ಯೂಬ್ ಖಾನ್ ಹಾಗೂ ಗುಲ್ವಾಜ್ ಖಾನ್ ಎಂಬುವರ ಪುತ್ರಿಯಾಗಿದ್ದಾಳೆ.

ಸ್ಥಳಕ್ಕೆ ಶಿವಮೊಗ್ಗ ಗ್ರಾಮಾಂತರ ಶಾಸಕ ಅಶೋಕ ನಾಯ್ಕ ಹಾಗೂ ಜಿಪಂ ಸದಸ್ಯೆ ರೇಖಾ ಉಮೇಶ್ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಘಟನೆ ಕುರಿತು ಹೊಳೆಹೊನ್ನೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.