ವಿದ್ಯಾರ್ಥಿನಿಗೆ ಕಚ್ಚಿ ಗಂಭೀರವಾಗಿ ಗಾಯಗೊಳಿಸಿದ ಕೋತಿ ಸೆರೆ

ರಾಮನಗರ ತಾಲೂಕಿನ ಕೈಲಾಂಚ ಹೋಬಳಿಯ ನಾಗೋಹಳ್ಳಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಿಕ್ಷಕರು ಪಾಠ ಮಾಡುತ್ತಿದ್ದ ವೇಳೆ ಕೊಠಡಿಗೆ ನುಗ್ಗಿ ವಿದ್ಯಾರ್ಥಿಗೆ ಕಚ್ಚಿ ಹೋಗಿದ್ದ ಕೋತಿಯನ್ನು ಗ್ರಾಮಸ್ಥರು ಸೆರೆ ಹಿಡಿದಿದ್ದಾರೆ.

ರಾಮನಗರ: ಪಾಠ ಮಾಡುತ್ತಿದ್ದ ವೇಳೆ ಶಾಲೆಗೆ ನುಗ್ಗಿ ವಿದ್ಯಾರ್ಥಿನಿಗೆ ಕಚ್ಚಿ ಗಂಭೀರವಾಗಿ ಗಾಯಗೊಳಿಸಿದ್ದ ಕೋತಿಯನ್ನು ರಾಮನಗರದಲ್ಲಿ ಗ್ರಾಮಸ್ಥರು ಕೊನೆಗೂ ಸೆರೆ ಹಿಡಿದಿದ್ದಾರೆ.

ರಾಮನಗರ ತಾಲೂಕಿನ ಕೈಲಾಂಚ ಹೋಬಳಿಯ ನಾಗೋಹಳ್ಳಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಿಕ್ಷಕರು ಪಾಠ ಮಾಡುತ್ತಿದ್ದ ವೇಳೆ ಕೊಠಡಿ ಒಳಗೆ ನುಗ್ಗಿದ ಕೋತಿ, ಲಿಖಿತಾ (10) ಎಂಬ ವಿದ್ಯಾರ್ಥಿಗೆ ಕಚ್ಚಿ ಗಂಭೀರವಾಗಿ ಗಾಯಗೊಳಿಸಿತ್ತು.

ಇದನ್ನೂ ಓದಿ: ಶಾಲಾ ಕೊಠಡಿಗೆ ನುಗ್ಗಿ ಮಂಗ ದಾಳಿ: ಬಾಲಕಿಗೆ ಗಂಭೀರ ಗಾಯ

ಇದೇ ಕೋತಿ ಗ್ರಾಮದ ಹಲವರಿಗೆ ಕಚ್ಚಿ ಗಾಯಗೊಳಿಸಿತ್ತು. ಇದರಿಂದಾಗಿ ಮಕ್ಕಳು‌ ಶಾಲೆಗೆ ಹೋಗಲು‌ ಹೆದರುತ್ತಿದರು. ಕೋತಿ ಸೆರೆಗೆ‌ ಗ್ರಾಮಸ್ಥರು ಹರಸಾಹಸ ಪಟ್ಟಿದ್ದರು. ಇಂದು ಬೆಳಗ್ಗೆ ಚಿರತೆ ಸೆರೆಗೆ ಇಟ್ಟ ಬೋನ್​ಗೆ ಬಿದ್ದಿದ್ದು, ಗ್ರಾಮಸ್ಥರು ನಿಟ್ಟುಸಿರು ಬಿಟ್ಟಿದ್ದಾರೆ.