ನಕಲಿ ಸಾಧು ಬಂಧನಕ್ಕೆ ರೇಖಾ ಚಿತ್ರ ಬಿಡುಗಡೆ

ನಕಲಿ ಸಾಧು ವೇಷಧಾರಿ ವ್ಯಕ್ತಿಯೊಬ್ಬ ರಾಯಚೂರು ನಗರದ ಮಕ್ತಲ್​ ಪೇಟೆ ನಿವಾಸಿಗೆ ವಂಚಿಸಿ ಬಂಗಾರ, ಹಣ ದೋಚಿಕೊಂಡು ಹೋದ ಘಟನೆ ನಡೆದಿತ್ತು. ಈ ಹಿನ್ನೆಲೆಯಲ್ಲಿ ಆರೋಪಿಯ ರೇಖಾಚಿತ್ರವನ್ನು ಜಿಲ್ಲಾ ಪೊಲೀಸ್​ ಇಲಾಖೆ ಬಿಡುಗಡೆಗೊಳಿಸಿ ಬಂಧನಕ್ಕೆ ಬಲೆ ಬೀಸಿದೆ.

ರಾಯಚೂರು: ನಕಲಿ ಸಾಧು ವೇಷಧಾರಿ ವ್ಯಕ್ತಿಯೊಬ್ಬ ಗೃಹಿಣಿಯ ಚಿನ್ನಾಭರಣ, ನಗದು ಕದ್ದು ಪರಾರಿಯಾಗಿದ್ದ. ಇದೀಗ ಆರೋಪಿ ರೇಖಾಚಿತ್ರವನ್ನ ಜಿಲ್ಲಾ ಪೊಲೀಸ್ ಇಲಾಖೆ ಬಿಡುಗಡೆ ಮಾಡಿದೆ.

ಆರೋಪಿ ರೇಖಾ ಚಿತ್ರ ಬಿಡುಗಡೆ

ನಗರದ ಮಕ್ತಲ್ ಪೇಟೆ ನಿವಾಸಿಗೆ, ನಿಮ್ಮ ಪತಿಗೆ ಗಂಡಾಂತರವಿದೆ. ಪೂಜೆ ಮಾಡಬೇಕೆಂದು ಮನೆಯೊಳಗೆ ಹೋಗಿ, ಪೂಜೆ ನೆಪದಲ್ಲಿ 30 ಗ್ರಾಮ ಬಂಗಾರ, ₹ 10 ಸಾವಿರ ನಗದು ಪಡೆದು ಪರಾರಿಯಾಗಿದ್ದ.

ಈ ಕುರಿತು ನೇತಾಜಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿತ್ತು. ಈಗ ಪೊಲೀಸರು ನಕಲಿ ಸಾಧು ವೇಷದ ಆರೋಪಿಯ ರೇಖಾ ಚಿತ್ರವನ್ನ ಬಿಡುಗಡೆ ಮಾಡಿದ್ದು, ಆರೋಪಿ ಕಂಡುಬಂದಲ್ಲಿ, ಕೂಡಲೇ ಸ್ಥಳೀಯ ಠಾಣೆಗೆ ಮಾಹಿತಿ ನೀಡುವಂತೆ ಜಿಲ್ಲಾ ಪೊಲೀಸ್ ಇಲಾಖೆ ಕೋರಿದ್ದಾರೆ.