ರಾಯಚೂರು: ಆರೋಗ್ಯ ಸಚಿವ ಬಿ.ಶ್ರೀರಾಮುಲು ಅವರು ರಾಯಚೂರಿನ ರಿಮ್ಸ್ ಆಸ್ಪತ್ರೆಯಲ್ಲಿ ಭೇಟಿ ನೀಡಿ ಅಹವಾಲು ಸ್ವೀಕಾರ ಮಾಡಿದರು.
ಸಂಜೆ 7.30ರ ಸುಮಾರಿಗೆ ಆಗಮಿಸಿದ ಶ್ರೀರಾಮುಲು ಒಳರೋಗಿಗಳ ಕೊಠಡಿಗಳ ವೀಕ್ಷಿಸಿ ರೋಗಿಗಳಿಂದ ಅಹವಾಲು ಸ್ವೀಕರಿಸಿದರು.
ಆಸ್ಪತ್ರೆಯಲ್ಲಿ ವಾಸ್ತವ್ಯ ಹೂಡಿದ ಸಚಿವ ಶ್ರೀರಾಮುಲು
ಈ ವೇಳೆ ರೋಗಿಗಳು ಸಮಸ್ಯೆಗಳ ಸರಮಾಲೆಯನ್ನು ಬಿಚ್ಚಿಟ್ಟರು. ಔಷಧಿಗಳ ಚೀಟಿ ಕೊಡುವವರೂ ಇಲ್ಲ, ಸರ್ವರ್ ಬ್ಯುಸಿ ಇದೆ ಎನ್ನುತ್ತಾರೆ. ಕೈಯಲ್ಲೇ ಔಷಧಿ ಚೀಟಿಗಳನ್ನು ಬರೆದು ತರಲು ಹೊರಗಡೆ ಕಳುಹಿಸುತ್ತಾರೆ. ಇಲ್ಲಿ ರೋಗಿಗಳಿಗೆ ಸರಿಯಾದ ಚಿಕಿತ್ಸೆ ದೊರೆಯುತ್ತಿಲ್ಲ ಎಂದು ದೂರಿದರು. ಇದಕ್ಕೆ ಸ್ಪಂದಿಸಿದ ಸಚಿವರು ಕ್ರಮ ಕೈಗೊಳ್ಳುವಂತೆ ವೈದ್ಯರಿಗೆ ಸೂಚಿಸಿದರು.
