ರಾಯಚೂರು: ಜಿಲ್ಲೆಯ ಲಿಂಗಸೂಗೂರು ತಾಲೂಕಿನ ವಿವಿಧೆಡೆ ರಾಜಾರೋಷವಾಗಿ ಜೂಜಾಟ ನಡೆಯುತ್ತಿದೆ. ಇಷ್ಟೊಂದು ಇಸ್ಪೀಟ್ ಆಟವನ್ನ ಆಡ್ತಾಯಿದ್ರೂ ಜಿಲ್ಲೆಯಲ್ಲಿ ಪೊಲೀಸರು ಇದ್ದಾರೋ ಇಲ್ವೋ ಅನ್ನೋ ಪ್ರಶ್ನೆ ಕಾಡ್ತಿದೆ.
ಅಂದರ್-ಬಾಹರ್.. ಅಂದರ್-ಬಾಹರ್.. !
ಜಿಲ್ಲೆಯ ಮುದಗಲ್ ಠಾಣೆ ವ್ಯಾಪ್ತಿಯ ಕೆರೆಯೊಂದರ ಬಳಿ ಕದ್ದುಮುಚ್ಚಿಯೇನಲ್ಲ, ರಾಜಾರೋಷವಾಗಿ ಜೂಜಾಟ ಆಡ್ತಿರೋ ವಿಡಿಯೋ ಈಗ ಎಲ್ಲೆಡೆ ವೈರಲ್ ಆಗುತ್ತಿದೆ. ಮುದಗಲ್ ಪಟ್ಟಣದ ಹತ್ತಿರದ ಗ್ರಾಮವೊಂದರ ಹೊಲದಲ್ಲಿ ಅಂದರ್-ಬಾಹರ್ ಜೂಜಾಟ ನಡೆಯುತ್ತೆ. ನಿತ್ಯ ಲಕ್ಷಾಂತರ ರೂಪಾಯಿ ಜೂಜಾಟದಲ್ಲಿ ಹರಿದಾಡುತ್ತೆ. ಈ ಬಗ್ಗೆ ಸ್ಥಳೀಯ ಪೊಲೀಸ್‌ ಠಾಣೆಗೆ ವಿಷಯ ತಿಳಿಸಿದರೂ, ಯಾವುದೇ ಪ್ರಯೋಜನವಾಗಿಲ್ಲ. ಇದರಿಂದ ಬೇಸತ್ತ ಜನ ಜೂಜಾಟದ ದೃಶ್ಯ ಸೆರೆ ಹಿಡಿದು ವೈರಲ್ ಮಾಡಿದ್ದಾರೆ. ಪೊಲೀಸರು ಇನ್ನಾದ್ರೂ ಕ್ರಮಕೈಗೊಳ್ತಾರಾ ನೋಡಬೇಕು.
