ರಾಯಚೂರು: ಮಂತ್ರಾಲಯ ಶ್ರೀ ರಾಘವೇಂದ್ರ ಸ್ವಾಮಿ ಮಠದ ಪೀಠಾಧಿಪತಿ ಶ್ರೀ ಸುಬುಧೇಂದ್ರ ತೀರ್ಥರು ಗೌರವ ಡಾಕ್ಟರೇಟ್ಗೆ ಭಾಜನರಾಗಿದ್ದಾರೆ ಎಂದು ಗುಲ್ಬರ್ಗಾ ವಿವಿ ಸಿಂಡಿಕೇಟ್ ಸದಸ್ಯ ಡಾ. ಶರಣಬಸವ ಪಾಟೀಲ್ ಜೋಳದಗಡಿ ತಿಳಿಸಿದ್ದಾರೆ.
ಶ್ರೀಗಳ ಧಾರ್ಮಿಕ ಹಾಗೂ ಸಾಮಾಜಿಕ ಕಾರ್ಯಕ್ರಮ ಖ್ಯಾತಿ ಪಡೆದಿದೆ. ಸುಬುಧೇಂದ್ರ ತೀರ್ಥರ ಪಾಂಡಿತ್ಯ, ಸಾಮಾಜಿಕ ಸೇವೆಗಳನ್ನು ಗುರುತಿಸುವ ಮೂಲಕ ಒಮ್ಮತದಿಂದ ಗುಲ್ಬರ್ಗಾ ವಿವಿ ಗೌರವ ಡಾಕ್ಟರೇಟ್ಗೆ ಆಯ್ಕೆ ಮಾಡಲಾಗಿದೆ.
ರಾಜ್ಯದಲ್ಲಿ ಪ್ರಕೃತಿ ವಿಕೋಪ, ರೈತರು ಆತ್ಮಹತ್ಯೆ ಮಾಡಿಕೊಂಡ ವೇಳೆ ಶ್ರೀಗಳು ಸಹಾಯ ಹಸ್ತ ಚಾಚಿ, ಸಂಕಷ್ಟದ ಸಂದರ್ಭದಲ್ಲಿ ನೆರವಿಗೆ ಧಾವಿಸಿದ್ದರು. ಶ್ರೀಗಳ ಈ ಕಾರ್ಯ ಗುರುತಿಸಿ ಗುಲ್ಬರ್ಗಾ ವಿವಿಯ ನ.20ರಂದು ನಡೆಯಲಿರುವ 38ನೇ ಘಟಿಕೋತ್ಸವದ ವೇಳೆ ಡಾಕ್ಟರೇಟ್ ಪ್ರಧಾನ ಮಾಡಲಾಗುವುದು ಎಂದು ತಿಳಿಸಿದರು.
