ಕೊರೊನಾ ವಿಚಾರದಲ್ಲಿ ನಾವೂ ಮೈಮರೆತಿದ್ದು ನಿಜ: ಸಂಸದ ಪ್ರತಾಪ್ ಸಿಂಹ

ಕಳೆದ ವರ್ಷ ಏಪ್ರಿಲ್, ಮೇ‌ನಲ್ಲಿ ಕೋವಿಡ್ ಹೆಚ್ಚಾದಾಗ ಮಾಧ್ಯಮದವರು ಜಾಗೃತಿ ಮೂಡಿಸಿದ್ದರು. ಅಕ್ಟೋಬರ್, ನವೆಂಬರ್​​ನಲ್ಲಿ ಕೋವಿಡ್ ಹೋಗೇ ಬಿಟ್ಟಿತು ಎಂಬ ಭಾವನೆಯಲ್ಲಿ ನಾವೂ ಮೈಮರೆತೆವು. ಈಗ ಹೊಸ ರೂಪದಲ್ಲಿ ಕೊರೊನಾ 2ನೇ ಅಲೆ ಆತಂಕ ಮೂಡಿಸಿದೆ ಎಂದು ಸಂಸದ ಪ್ರತಾಪ್​ ಸಿಂಹ ಹೇಳಿದ್ದಾರೆ.

ಮೈಸೂರು: ಕೊರೊನಾ ಹೋಗೆಬಿಟ್ಟಿತ್ತು ಎಂಬ ಭಾವನೆಯಿಂದ ಮಾಧ್ಯಮಗಳು ಹಾಗೂ ಜನಪ್ರತಿನಿಧಿಗಳು ವಿಳಂಬ ಮಾಡಿದೆವು ಎಂದು ಸಂಸದ ಪ್ರತಾಪ್ ಸಿಂಹ ಹೇಳಿದ್ದಾರೆ.

ನಗರದಲ್ಲಿ ಮಾಧ್ಯಮದವರೊಂದಿಗೆ ಮಾತಮಾಡಿದ ಅವರು, ಕೇಂದ್ರ ಸರ್ಕಾರದ ಯೋಜನೆಯಿಂದ ತುಳಸಿದಾಸಪ್ಪ ಸರ್ಕಾರಿ ಆಸ್ಪತ್ರೆಯನ್ನು ಆಧುನಿಕ ರೀತಿಯಲ್ಲಿ‌ ಪುನರ್​​​ ನಿರ್ಮಿಸಲಾಗಿದ್ದು, ಈ ಆಸ್ಪತ್ರೆಯನ್ನು ಈಗ ತಾತ್ಕಾಲಿಕವಾಗಿ ಕೋವಿಡ್ ಕೇರ್ ಸೆಂಟರ್​ಆಗಿ ಮಾಡಲಾಗಿದೆ ಎಂದಿದ್ದಾರೆ.

ಕಳೆದ ವರ್ಷ ಏಪ್ರಿಲ್, ಮೇ‌ನಲ್ಲಿ ಕೋವಿಡ್ ಹೆಚ್ಚಾದಾಗ ಮಾಧ್ಯಮದವರು ಸಾಕಷ್ಟು ಜಾಗೃತಿ ಮೂಡಿಸಿದರು. ಅಕ್ಟೋಬರ್, ನವೆಂಬರ್​​ನಲ್ಲಿ ಕೋವಿಡ್ ಹೋಗೇಬಿಟ್ಟಿತು ಎಂಬ ಭಾವನೆಯಲ್ಲಿ ನಾವೂ ಮೈಮರೆತದ್ದು ನಿಜ ಎಂಬುದನ್ನು ಪ್ರತಾಪ್​ ಸಿಂಹ್​ ಒಪ್ಪಿಕೊಂಡಿದ್ದಾರೆ.

ಈಗ ಕೊರೊನಾ ಹೊಸ ರೂಪದಲ್ಲಿ 2ನೇ ಅಲೆಯಾಗಿ ಬಂದೆರಗಿದೆ. 100 ವರ್ಷಗಳ ಹಿಂದೆ ಬಂದ ಅಲೆ ಈಗ ಮತ್ತೆ ಬಂದಿದೆ. ಈಗ ಜನ ಪ್ರತಿನಿಧಿಗಳು ಮತ್ತೆ ಜಾಗೃತರಾಗಬೇಕು ಎಂದು ಸಂಸದ ಪ್ರತಾಪ್ ಸಿಂಹ ಹೇಳಿದ್ದಾರೆ.

ಇದನ್ನೂ ಓದಿ: ರಾಜ್ಯದಲ್ಲಿ ನಿಲ್ಲದ ಕೋವಿಡ್​ ಆರ್ಭಟ: 39,047 ಸೋಂಕಿತ ಪ್ರಕರಣ ದಾಖಲು,229 ಜನರು ಬಲಿ