ಸುತ್ತೂರು ಶ್ರೀಗಳ ಜಯಂತಿ: ಮೈಸೂರು ಮೃಗಾಲಯಕ್ಕೆ ಒಂದು ಲಕ್ಷದ ಚೆಕ್ ವಿತರಣೆ

ಸುತ್ತೂರು ಶ್ರೀಗಳ ಜಯಂತಿ ಅಂಗವಾಗಿ ಮೈಸೂರು ಮೃಗಾಲಯಕ್ಕೆ ಒಂದು ಲಕ್ಷ ರೂಗಳ ಚೆಕ್ ವಿತರಿಸಲಾಯಿತು. ಪ್ರತೀ ವರ್ಷ ಶ್ರೀಗಳ ಜನ್ಮ ದಿನದಂದು ಮಠದ ವತಿಯಿಂದ ಮೃಗಾಲಯಕ್ಕೆ ಧನ ಸಹಾಯ ನೀಡಲಾಗುತ್ತಿದೆ.

ಮೈಸೂರು: ಸುತ್ತೂರಿನ‌ ದಿವಂಗತ ಡಾ.ಶ್ರೀ ಶಿವರಾತ್ರಿ ರಾಜೇಂದ್ರ ಸ್ವಾಮೀಜಿಗಳ 104ನೇ ಜನ್ಮ ದಿನಾಚರಣೆ ಅಂಗವಾಗಿ ಶ್ರೀ ಚಾಮರಾಜೇಂದ್ರ ಮೃಗಾಲಯಕ್ಕೆ 1ಲಕ್ಷ ರೂ. ನೀಡಲಾಯಿತು.
ನಾಳೆ (ಆ.29) ಸುತ್ತೂರು ಡಾ. ಶ್ರೀ ಶಿವರಾತ್ರಿ ರಾಜೇಂದ್ರ ಸ್ವಾಮೀಜಿಗಳ ಜಯಂತಿ ಇದ್ದು, ಈ ಹಿನ್ನಲೆ ಮೃಗಾಲಯದ ಪ್ರಾಣಿಗಳ ಆಹಾರದ ವೆಚ್ಚದ ನಿರ್ವಹಣೆಗಾಗಿ ಚೆಕ್ ನೀಡಲಾಗಿದೆ.

ಮೃಗಾಲಯದ ಆವರಣದಲ್ಲಿ ಮುಖ್ಯ ಕಾರ್ಯನಿರ್ವಾಣಾಧಿಕಾರಿ ಅಜಿತ್ ಕುಲಕರ್ಣಿಗೆ ಚೆಕ್ ಹಸ್ತಾಂತರ ಮಾಡಲಾಯಿತು. ಕಳೆದ ಒಂಬತ್ತು ವರ್ಷಗಳಿಂದ ಸುತ್ತೂರು ಮಠ ಮೃಗಾಲಯಕ್ಕೆ ಧನ ಸಹಾಯ ನೀಡುತ್ತಾ ಬರುತ್ತಿದೆ.