ಮೈಸೂರು: ಟೈಮ್ಸ್ ಹೈಯರ್ ಎಜುಕೇಶನ್ ಪ್ರಕಟಿಸಿರುವ ರ್ಯಾಂಕಿಂಗ್ ಪಟ್ಟಿಯಲ್ಲಿ ಮೈಸೂರು ವಿಶ್ವವಿದ್ಯಾನಿಲಯ 1,000 ಪ್ಲಸ್ ಸ್ಥಾನ ಪಡೆದುಕೊಂಡಿದೆ ಎಂದು ವಿವಿ ಕುಲಪತಿ ಹೇಮಂತ್ ಕುಮಾರ್ ತಿಳಿಸಿದ್ದಾರೆ.
ಉನ್ನತ ಶಿಕ್ಷಣ ಸಂಸ್ಥೆಗಳಿಗೆ ರ್ಯಾಂಕಿಂಗ್ ನೀಡುವ ಜಾಗತಿಕ ಸಂಸ್ಥೆಯಾದ ಟೈಮ್ಸ್ ಹೈಯರ್ ಎಜುಕೇಶನ್ ಪ್ರಕಟಿಸಿರುವ ಪಟ್ಟಿಯಲ್ಲಿ ಮೈಸೂರು ವಿವಿ ಈ ಬಾರಿಯೂ ಈ ಸ್ಥಾನ ಗಳಿಸಿದ್ದು, ಮೈಸೂರು ವಿವಿ 2019ರಿಂದಲೂ ಈ ಉನ್ನತ ಸ್ಥಾನ ಉಳಿಸಿಕೊಂಡು ಬರುತ್ತಿದ್ದು, ಈ ವರ್ಷ ರಾಜ್ಯದ ವಿವಿಗಳಲ್ಲಿ ಮೈಸೂರು ವಿವಿ ಮೊದಲ ಸ್ಥಾನ ಗಳಿಸಿದೆ.
ಭಾರತದಲ್ಲಿ ಒಟ್ಟು 35 ವಿವಿಗಳು ಮಾತ್ರ 1000 ಪ್ಲಸ್ ಶ್ರೇಯಾಂಕ ಪಡೆದುಕೊಂಡಿವೆ. ಈ ಬಾರಿ ವಿಶ್ವದ 92ದೇಶಗಳು 1,400ಕ್ಕೂ ಹೆಚ್ಚು ವಿವಿಗಳು ಸ್ಪರ್ಧೆಯಲ್ಲಿದ್ದವು ಎಂದು ಉಪಕುಲಪತಿ ತಿಳಿಸಿದ್ದಾರೆ.
