ಮೈಸೂರು: ಬೆಂಗಳೂರಿನ ಐಎಂಎ ಜ್ಯುವೆಲರ್ಸ್ ಕಂಪನಿಯಿಂದ ಮೋಸ ಹೋದ ಮೈಸೂರಿನ ನಾಗರಿಕರು ತಮ್ಮ ವ್ಯಾಪ್ತಿಯ ಠಾಣೆಗಳಲ್ಲಿ ದೂರು ನೀಡಬಹುದು ಎಂದು ನಗರ ಪೊಲೀಸ್ ಕಮಿಷನರ್ ಸಾರ್ವಜನಿಕ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಬೆಂಗಳೂರಿನ ಐಎಂಎ ಜ್ಯುವೆಲರ್ಸ್ ಕಂಪನಿಯವರು ಹೆಚ್ಚಿನ ಬಡ್ಡಿ ನೀಡುವುದಾಗಿ ನಂಬಿಸಿ ಸಾರ್ವಜನಿಕರಿಂದ ಹಣ ಪಡೆದು ಮೋಸ ಮಾಡಿರುವ ಬಗ್ಗೆ ಬೆಂಗಳೂರಿನಲ್ಲಿ ವಂಚಿತರಿಂದ ದೂರು ಪಡೆಯುತ್ತಿದ್ದು, ಮೈಸೂರು ನಗರದ ಸಾರ್ವಜನಿಕರು ಯಾರಾದರು ಬೆಂಗಳೂರಿನ ಈ ಕಂಪನಿಗೆ ಹಣ ಕಟ್ಟಿ ಮೋಸ ಹೋಗಿದ್ದರೆ ಅವರು ಬೆಂಗಳೂರಿಗೆ ಹೋಗಿ ದೂರು ನೀಡುವುದು ಬೇಡ. ಬದಲಾಗಿ ತಮ್ಮ ನಗರದ ವ್ಯಾಪ್ತಿಗಳಲ್ಲೇ ದೂರು ನೀಡಿ ಎಂದು ಸಾರ್ವಜನಿಕರ ಹಿತದೃಷ್ಟಿಯಿಂದ ಮೈಸೂರು ನಗರ ಪೊಲೀಸ್ ಕಮಿಷನರ್ ಕೆ.ಟಿ.ಬಾಲಕೃಷ್ಣ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
