ಮೈಸೂರು: ಬೋಟಿ ಬಜಾರ್​ನ ಮಾಂಸದ ಮಾರುಕಟ್ಟೆ 4 ದಿನ ಬಂದ್​​

ಬೋಟಿ ಬಜಾರ್​ನ‌ ಮಾಂಸದ ಮಾರುಕಟ್ಟೆ ಅಂಗಡಿಯ ವ್ಯಕ್ತಿಯೊಬ್ಬ ಕೊರೊನಾ ಸೋಂಕಿನಿಂದ ಮೃತಪಟ್ಟ ಹಿನ್ನೆಲೆಯಲ್ಲಿ ಮಾರುಕಟ್ಟೆಯನ್ನು ಮೈಸೂರು ಮಹಾನಗರ ಪಾಲಿಕೆ ಬಂದ್ ಮಾಡಿದೆ.

ಮೈಸೂರು: ಮಾಂಸದ ಅಂಗಡಿಯ ವ್ಯಕ್ತಿಯೊಬ್ಬ ಕೊರೊನಾ ಸೋಂಕಿನಿಂದ ಮೃತಪಟ್ಟ ಹಿನ್ನೆಲೆಯಲ್ಲಿ ಬೋಟಿ ಬಜಾರ್​ನ‌ ಮಾಂಸದ ಮಾರುಕಟ್ಟೆಯನ್ನು 4 ದಿನ ಬಂದ್ ಮಾಡಲಾಗಿದೆ.

ಬೋಟಿ ಬಜಾರ್​ನ ಅಂಗಡಿಯೊಂದರ ವ್ಯಕ್ತಿ 10 ದಿನಗಳ ಹಿಂದೆ ಅನಾರೋಗ್ಯಕ್ಕೆ ತುತ್ತಾಗಿದ್ದು, ಕೊರೊನಾದ ಲಕ್ಷಣಗಳು ಕಂಡು ಬಂದ ಹಿನ್ನೆಲೆಯಲ್ಲಿ ಆತನಿಗೆ ಕೋವಿಡ್ ಟೆಸ್ಟ್ ಮಾಡಿಸಲಾಗಿತ್ತು. 4 ದಿನಗಳ ಹಿಂದೆ ವರದಿ ಪಾಸಿಟಿವ್ ಬಂದಿತ್ತು. ಎರಡು ದಿನಗಳ ಹಿಂದೆ ಆ ವ್ಯಕ್ತಿ ಮೃತಪಟ್ಟಿದ್ದಾನೆ.

ಈ ಹಿನ್ನೆಲೆಯಲ್ಲಿ ಮಾರುಕಟ್ಟೆಯನ್ನು ಮೈಸೂರು ಮಹಾನಗರ ಪಾಲಿಕೆ ಬಂದ್ ಮಾಡಿದೆ. ಮಾರುಕಟ್ಟೆಗೆ ಸ್ಯಾನಿಟೈಸ್ ಮಾಡುವ ಉದ್ದೇಶದಿಂದ ಪಾಲಿಕೆ ಈ ನಿರ್ಧಾರ ಕೈಗೊಂಡಿದ್ದು, ಮಾಂಸದ ಅಂಗಡಿ ಮಾಲೀಕರು ಆತಂಕಗೊಳ್ಳುವ ಅವಶ್ಯಕತೆ ಇಲ್ಲ ಎಂದು ಪಾಲಿಕೆ ಅಧಿಕಾರಿಗಳು ಧೈರ್ಯ ತುಂಬಿದ್ದಾರೆ.