ಮೈಸೂರು: ಬೆಂಗಳೂರಿನ ಉದ್ಯಮಿಯೋರ್ವರ ಮೃತದೇಹ ಮೈಸೂರಿನ ಲಾಡ್ಜ್‌ವೊಂದರಲ್ಲಿ ಪತ್ತೆಯಾಗಿದೆ. ಇವರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನಲಾಗುತ್ತಿದೆ.
ಉಮಾಶಂಕರ್ (45) ಮೃತ ದುರ್ದೈವಿ. ಉಮಾಶಂಕರ್ ಜೊತೆ ಬಂದಿದ್ದ ಆತನ ಪತ್ನಿ ಕವಿತಾ ನಾಪತ್ತೆಯಾಗಿದ್ದು, ಲಾಡ್ಜ್‌ನಲ್ಲಿ ಇನ್ಸುಲಿನ್ ಹಾಗೂ ಔಷಧಿ ಬಾಟಲ್‌, ಡೆತ್‌ನೋಟ್ ಪತ್ತೆಯಾಗಿದೆ.
'ನಾವು ಅತಿಯಾದ ಸಾಲ ಮಾಡಿಕೊಂಡಿದ್ದು, ಸಾಲ ಹಿಂತಿರುಗಿಸುವಂತೆ ಕೆಲವರು ಪೀಡಿಸಿ ಅವಾಚ್ಯ ಶಬ್ದಗಳಿಂದ ನಿಂದಿಸಿದ ಕಾರಣ ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದೇವೆ' ಎಂಬ ವಿಚಾರ ಡೆತ್‌ನೋಟ್‌ನಲ್ಲಿದೆ.
ನಾಪತ್ತೆಯಾಗಿರುವ ಪತ್ನಿ ಕವಿತಾಗಾಗಿ ಹುಡುಕಾಟ ಮುಂದುವರೆದಿದೆ. ಮಂಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
