ಮೈಸೂರು: ಜಿಲ್ಲಾಡಳಿತದ ದಸರಾ ಸಮಿತಿಯಿಂದ ಬನ್ನಿ ಮಂಟಪದ ಪಂಜಿನ ಕವಾಯತು ಮೈದಾನದಲ್ಲಿ ‘ಏರ್ ಶೋ’ ನಡೆಯಿತು. ಆರಂಭದಲ್ಲಿ ಪಂಜಿನ ಕವಾಯತು ಮೈದಾನದ ಎಡಭಾಗದಿಂದ ಬಂದ ವಿಮಾನ, ಜನರ ಮೇಲೆ ಪುಷ್ಪಾರ್ಚನೆ ಮಾಡುತ್ತಿದ್ದಂತೆ ಸಂಭ್ರಮ ಮುಗಿಲು ಮುಟ್ಟಿತು. 8 ಸಾವಿರ ಅಡಿಗಳಿಂದ ಪ್ಯಾರಾಚೂಟ್ ಮುಲಕ ತ್ರಿವರ್ಣ ಧ್ವಜ ಸೃಷ್ಟಿಸಿದ ದೃಶ್ಯ ನೋಡುಗರ ಮನ ಸೆಳೆಯಿತು.
ಮೈಸೂರಿನಲ್ಲಿ ‘ಏರ್ ಶೋ’ ಸಂಭ್ರಮ
ಈ ವೇಳೆ ಮಾತನಾಡಿದ ವಿಂಗ್ ಕಮಾಂಡರ್ ಬಾಳಗ, ನಾನು ಉಡುಪಿ ಜಿಲ್ಲೆ ಪುತ್ತೂರಿನವನು. 16 ವರ್ಷಗಳಿಂದ ಏರ್ ಶೋನಲ್ಲಿ ಭಾಗವಹಿಸುತ್ತಿದ್ದೇನೆ. ದೇಶ ಸೇವೆ ಮಾಡುವ ಯೋಧರ ಬಗ್ಗೆ ಸಾರ್ವಜನಿಕರು ಅಪಾರ ಅಭಿಮಾನ ಇಟ್ಟುಕೊಂಡಿದ್ದಾರೆ ಎಂದು ಹೆಮ್ಮೆಯಿಂದ ನುಡಿದರು.
