ಮೈಸೂರು: ಮೈಸೂರು ಮಂಡಕಹಳ್ಳಿ ವಿಮಾನ ನಿಲ್ದಾಣದ ಆಡಳಿತ ಮಂಡಳಿ ಪ್ರಯಾಣಿಕರಿಗೆ ಮತ್ತೊಂದು ಗಿಫ್ಟ್ ನೀಡಿದೆ. ನೂತನ ಏರ್ಬಸ್ನ ಮೈಸೂರು-ಹೈದರಾಬಾದ್ ವಿಮಾನ ಸೇವೆ ಆರಂಭವಾಗಿದೆ.
ವಾರದ ಎಲ್ಲಾ ದಿನಗಳಲ್ಲೂ ಇಂಡಿಗೂ ಎಟಿಆರ್ 72 ವಿಮಾನ ಸೇವೆ ಲಭ್ಯವಾಗಲಿದೆ. ಪ್ರತಿ ನಿತ್ಯ ಹೈದರಾಬಾದ್ನಿಂದ ಸಂಜೆ 4.55ಕ್ಕೆ ಹೊರಟು 6.40ಕ್ಕೆ ಮೈಸೂರು ತಲುಪಲಿದೆ. ಮೈಸೂರಿನಿಂದ ಸಂಜೆ 7.40ಕ್ಕೆ ಹೊರಟು ರಾತ್ರಿ 9.15ರ ಸುಮಾರಿಗೆ ಹೈದರಾಬಾದ್ ತಲುಪಲಿದೆ. ಪ್ರತಿ ಮಂಗಳವಾರ ಹೈದರಾಬಾದ್ನಿಂದ ಬೆಳಗ್ಗೆ 11.20ಕ್ಕೆ ಹೊರಟು ಮಧ್ಯಾಹ್ನ 1ಗಂಟೆಗೆ ಮೈಸೂರಿಗೆ ಬರಲಿದೆ.
ಬಳಿಕ ಮಧ್ಯಾಹ್ನ 1.30ಕ್ಕೆ ಮೈಸೂರಿನಿಂದ ಹೊರಟು ಮಧ್ಯಾಹ್ನ 3.10ರ ಸುಮಾರಿಗೆ ಹೈದರಾಬಾದ್ಗೆ ತಲುಪಲಿದೆ. ಒಟ್ಟು 70 ಪ್ರಯಾಣಿಕರನ್ನು ಹೊತ್ತು ಸಾಗಬಲ್ಲ ಇಂಡಿಗೋ ಏರ್ ಬಸ್ ಪ್ರಯಾಣದ ವೆಚ್ಚ ಒಬ್ಬರಿಗೆ 2.650 ರೂಪಾಯಿ ಚಾರ್ಜ್ ಮಾಡಲಾಗುತ್ತದೆ.
ಮುಂದಿನ ದಿನಗಳಲ್ಲಿ ಮೈಸೂರಿನಿಂದ ಶಿರಡಿ, ಮಂಗಳೂರು, ತಿರುಪತಿಗೂ ವಿಮಾನ ಸೇವೆ ಆರಂಭಕ್ಕೆ ಸಿದ್ಧತೆ ನಡೆಸಲಾಗಿದೆ. ಸಂಸದ ಪ್ರತಾಪ ಸಿಂಹ ವಿಮಾನ ಹಾರಾಟಕ್ಕೆ ಭಾನುವಾರ ರಾತ್ರಿ ಹಸಿರು ನಿಶಾನೆ ತೋರಿದರು.