ಕೊಡವರನ್ನು ಎಸ್​.ಟಿಗೆ ಸೇರಿಸುವಂತೆ ಸಂಸದ ಪ್ರತಾಪ್​ ಸಿಂಹಗೆ ಮನವಿ

ಕುಲಶಾಸ್ತ್ರೀಯ ಅಧ್ಯಯನ ನಡೆಸಿ ಕೊಡವರನ್ನು ಎಸ್.ಟಿಗೆ ಸೇರಿಸಿ ಎಂದು ಕೊಡವ ಸಮುದಾಯ ಸಂಸದ ಪ್ರತಾಪ್​ ಸಿಂಹಗೆ ಮನವಿ ಮಾಡಿದ್ದಾರೆ.

ಮೈಸೂರು: ಪರಿಶಿಷ್ಟ ಪಂಗಡದ ಗುಂಪಿಗೆ ಕೊಡವರನ್ನು ಸೇರಿಸಬೇಕೆಂದು ಸಂಸದ ಪ್ರತಾಪಸಿಂಹ ಕೊಡವ ನ್ಯಾಷಿನಲ್ ಕೌನ್ಸಿಲ್ ಸಂಘಟನೆ ಮುಖಂಡರು ಮನವಿ ಮಾಡಿದರು.

ನಂತರ ಮಾತನಾಡಿದ ಕೊಡವ ನ್ಯಾಷನಲ್ ಕೌನ್ಸಿಲ್ ಸಂಘಟನೆ ಅಧ್ಯಕ್ಷ ನಂದಿನವರೆಂಡ ನಾಚಪ್ಪ‌, ಕೆಲ ಪಟ್ಟಾಭದ್ರ ಹಿತಸಕ್ತಿಗಳಿಂದ ಕೊಡವರನ್ನು ಎಸ್.ಟಿ.ಸಮುದಾಯಕ್ಕೆ ಸೇರಿಸುವುದನ್ನು ಕೈ ಬಿಡಲಾಗಿತ್ತು.ಆದರೆ ಕೇಂದ್ರ ಸರ್ಕಾರಕ್ಕೆ ನಾವು ಮನವಿ ಮಾಡುತ್ತೇವೆ. ನಮ್ಮ ಆಚರಣೆ ಸಂಸ್ಕೃತಿ ಮೂಲಕ ಎಸ್.ಟಿಗೆ ಸೇರಿಸಿ, ಆರ್ಥಿಕ ವ್ಯವಸ್ಥೆ ನೋಡಬೇಡಿ ಎಂದರು. ಕುಲಶಾಸ್ತ್ರೀಯ ಅಧ್ಯಯನ ಮಾಡುವಂತೆ ಹಿಂದಿನ ಸರ್ಕಾರ ಹೇಳಿತ್ತು ಎಂದಿದ್ದಾರೆ.

ಸಂಸದ ಪ್ರತಾಪಸಿಂಹ ಮಾತನಾಡಿ, ತಳವಾರ ಹಾಗೂ ಪರಿವಾರವನ್ನು ವೈಜ್ಞಾನಿಕವಾಗಿ ಪರಿಶಿಷ್ಟ ಪಂಗಡಕ್ಕೆ ಸೇರಿಸಿದಂತೆ ಕೊಡವ ಸಮುದಾಯವನ್ನ ಸೇರಿಸಲು ಕೇಂದ್ರಕ್ಕೆ ಮನವಿ ಮಾಡುತ್ತೇನೆ ಎಂದು ಭರವಸೆ ನೀಡಿದರು.