ಮೈಸೂರು: ದಸರಾ ಮಹೋತ್ಸವದ ಪ್ರಮುಖ ಆಕರ್ಷಣೆಯಾಗಿದ್ದ ಹೆಲಿರೈಡ್ ನಲ್ಲಿ 7,619 ಮಂದಿ ಪ್ರಯಾಣಿಸಿದ್ದು, ಸುಮಾರು 70.71 ಲಕ್ಷ ಲಾಭವಾಗಿದೆ.
ನಾಡಹಬ್ಬ ದಸರಾದಲ್ಲಿ ಹೆಲಿರೈಡ್ ಸೆಪ್ಟೆಂಬರ್ 28 ರಂದು ಆರಂಭವಾಗಿ ಅಕ್ಟೋಬರ್ 9 ರಂದು ಕೊನೆಗೊಂಡಿದೆ. ಈ ಹೆಲಿರೈಡ್ ನಲ್ಲಿ 'ತುಂಬಿ ಏವಿಯೇಷನ್' ನಲ್ಲಿ1274 ಮಂದಿ ಹಾಗೂ 'ಚಿಪ್ಸನ್ ಏವಿಯೇಷನ್' ನಲ್ಲಿ 1345 ಮಂದಿ ಪ್ರಯಾಣಿಸಿದ್ದಾರೆ. ಪ್ರತೀ ಟ್ರಿಪ್ನಲ್ಲಿ ಈ ಹೆಲಿಕಾಪ್ಟರ್ಗಳು 9 ನಿಮಿಷ ಹಾರಾಟ ನಡೆಸಿದವು. ಒಂದು ಟ್ರಿಪ್ ನಲ್ಲಿ 6 ಪ್ರಯಾಣಿಕರು ಪ್ರಯಾಣಿಸಿದ್ದು ಒಬ್ಬ ವ್ಯಕ್ತಿಗೆ 2,700 ಶುಲ್ಕ ನಿಗಧಿಪಡಿಸಲಾಗಿತ್ತು.
ಈ ಹೆಲಿರೈಡ್ ಮೈಸೂರಿನ ಪಾರಂಪರಿಕ ಕಟ್ಟಡಗಳ ದರ್ಶನ ಮಾಡಿಸಿದ್ದು, ಸುಮಾರು 70.71 ಲಕ್ಷ ಹಣ ಸಂಗ್ರಹವಾಗಿದೆಯೆಂದು ಪ್ರವಾಸೋದ್ಯಮ ಇಲಾಖೆ ಉಪನಿರ್ದೇಶಕರಾದ ಎಚ್.ಪಿ.ಜನಾರ್ದನ್ ಅವರು ತಿಳಿಸಿದ್ದಾರೆ.
