ಬಾರೋ ಬಾರೋ ಮಳೆರಾಯ! ವರುಣಾಗಮನಕ್ಕೆ ಮಂಡ್ಯದಲ್ಲಿ ಪರ್ಜನ್ಯ ಜಪ

ಮಳೆಗಾಗಿ ಮಂಡ್ಯ  ಜಿಲ್ಲೆಯಲ್ಲಿ ಧಾರ್ಮಿಕ ದತ್ತಿ ಇಲಾಖೆಯ ದೇವಾಲಯಗಳಾದ ನಗರದಲ್ಲಿರುವ ಲಕ್ಷ್ಮೀ ಜನಾರ್ಧನ, ಅರಕೇಶ್ವರ ದೇವಾಲಯ, ಶ್ರೀರಂಗಪಟ್ಟಣದ ರಂಗನಾಥ ದೇವಾಲಯ, ಮೇಲುಕೋಟೆ ಚೆಲುವನಾರಾಯಣ ಸ್ವಾಮಿ ಸೇರಿ ಹಲವು ದೇಗುಲಗಳಲ್ಲಿ ವಿಶೇಷ ಪೂಜೆ ನಡೆಸಲಾಯಿತು.

ಮಂಡ್ಯ: ರಾಜ್ಯ ಸರ್ಕಾರದ ಸೂಚನೆ ಹಿನ್ನೆಲೆಯಲ್ಲಿ ಜಿಲ್ಲೆಯಲ್ಲಿರುವ ಎಲ್ಲಾ ದೇವಾಲಯಗಳಲ್ಲಿ ಮಳೆಗಾಗಿ ವಿಶೇಷ ಪರ್ಜನ್ಯ ಜಪ ಮಾಡಲಾಗಿದೆ.

ಜಿಲ್ಲೆಯ ಧಾರ್ಮಿಕ ದತ್ತಿ ಇಲಾಖೆಯ ದೇವಾಲಯಗಳಾದ ನಗರದಲ್ಲಿರುವ ಲಕ್ಷ್ಮೀ ಜನಾರ್ಧನ, ಅರಕೇಶ್ವರ ದೇವಾಲಯ, ಶ್ರೀರಂಗಪಟ್ಟಣದ ರಂಗನಾಥ ದೇವಾಲಯ, ಮೇಲುಕೋಟೆ ಚೆಲುವ ನಾರಾಯಣಸ್ವಾಮಿ ಸೇರಿ ಹಲವು ದೇಗುಲದಲ್ಲಿ ಮಳೆಗಾಗಿ ಬ್ರಾಹ್ಮಿ ಮುಹೂರ್ತದಲ್ಲಿ ಮುಂಜಾನೆ 5 ಗಂಟೆಯಿಂದ 7 ಗಂಟೆವರೆಗೆ ಪರ್ಜನ್ಯ ಜಪ, ಕಲಶಾಭಿಷೇಕ, ಪಂಚಾಮೃತ ಅಭಿಷೇಕ ಸೇರಿ ವಿಶೇಷ ಪೂಜೆ ಮಾಡಿ ಪ್ರಾರ್ಥನೆ ಸಲ್ಲಿಸಲಾಗಿದೆ.‌ ಮುಂಜಾನೆಯಿಂದಲೇ ಅಧಿಕಾರಿಗಳು, ಪುರೋಹಿತರು ಹಾಗೂ ಸಾರ್ವಜನಿಕರು‌ ಪೂಜೆಯಲ್ಲಿ ಪಾಲ್ಗೊಂಡಿದ್ದರು.

ಪರ್ಜನ್ಯ ಜಪ ಎಂದರೇನು?

ಹಿಂದೂ ಪುರಾಣಗಳಲ್ಲಿ ಮಳೆಯ ದೇವತೆ, ವರುಣನ ಆಗಮನಕ್ಕಾಗಿ ಆರಾಧಿಸುವ ಪೂಜಾ ಕ್ರಮವಾಗಿದೆ.