ಮಂಡ್ಯ : ಮಾನಸಿಕ ಅಸ್ವಸ್ಥನೊಬ್ಬ ವ್ಯಕ್ತಿಯ ಮೇಲೆ ದಾಳಿ ಮಾಡಿ, ಕೈ ಕಚ್ಚಿ ಮಾಂಸ ತಿಂದ ಘಟನೆ ಮಳವಳ್ಳಿ ತಾಲೂ ಕಿನ ಮುಟ್ಟನಹಳ್ಳಿ ಗ್ರಾಮದಲ್ಲಿ ನಡೆದಿದೆ.
ಗ್ರಾಮದ ನಿಂಗಪ್ಪ ಎಂಬುವರ ಮೇಲೆ ಐನೋರಹುಂಡಿ ಗ್ರಾಮದ ಕುಳ್ಳ ಎಂಬ ಮಾನಸಿಕ ಅಸ್ವಸ್ಥ ದಾಳಿ ಮಾಡಿ ಕಚ್ಚಿ ಮಾಂಸ ತಿಂದಿದ್ದು, ಗ್ರಾಮಸ್ಥರು ಅವನನ್ನು ಹಿಡಿದು ಚಿಕಿತ್ಸೆಗೆ ಕಳಿಹಿಸಿದ್ದಾರೆ. ನಿಂಗಪ್ಪ ಬೆಳಗ್ಗೆ ಸೆಗಣಿಯನ್ನು ತುಂಬಿಕೊಂಡು ಜಮೀನಿನ ಬಳಿ ತೆರಳುತ್ತಿದ್ದಾಗ ಕುಳ್ಳ ದಾಳಿ ಮಾಡಿ ಕೈ ಕಚ್ಚಿ ಮಾಂಸ ತಿಂದಿದ್ದಾನೆ.
ವ್ಯಕ್ತಿಯ ಮೇಲೆ ಮಾನಸಿಕ ಅಸ್ವಸ್ಥನ ದಾಳಿ
ನಿಂಗಪ್ಪನ ಕಿರುಚಾಟ ಕೇಳಿ ಸ್ಥಳೀಯರು ರಕ್ಷಣೆ ಮಾಡಿದ್ದು, ನಂತರ ಮಾನಸಿಕ ಅಸ್ವಸ್ಥನನ್ನು ಹಿಡಿದು ಕಟ್ಟಿ ಹಾಕಿದ್ದಾರೆ. ನಂತರ ಗಾಯಾಳು ನಿಂಗಪ್ಪ ಹಾಗೂ ಮಾನಸಿಕ ಅಸ್ವಸ್ಥನನ್ನು ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ. ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.
