ಮಂಡ್ಯದಲ್ಲಿ ಮತ್ತೆ ಇಬ್ಬರಿಗೆ ಕೊರೊನಾ ದೃಢ... 18ಕ್ಕೇರಿದ ಸೋಂಕಿತರು

ಮಂಡ್ಯ ಜಿಲ್ಲೆಯಲ್ಲಿ ಇಂದು ಇಬ್ಬರಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 18ಕ್ಕೆ ಏರಿಕೆಯಾಗಿದೆ. ನಾಗಮಂಗಲ ತಾಲ್ಲೂಕಿನ ವ್ಯಕ್ತಿಗೆ ಹಾಗೂ ಮಳವಳಿ ಪಟ್ಟಣದ ಮಹಿಳೆಗೆ ಸೋಂಕು ಇರುವುದು ತಪಾಸಣೆಯಿಂದ ತಿಳಿದುಬಂದಿದೆ.

ಮಂಡ್ಯ: ಜಿಲ್ಲೆಯಲ್ಲಿ ಇಂದು ಇಬ್ಬರಿಗೆ ಕೊರೊನಾ ಸೋಂಕು ಧೃಡಪಟ್ಟಿದೆ. ಬೆಳಗ್ಗೆ ನಾಗಮಂಗಲ ತಾಲ್ಲೂಕಿನ ವ್ಯಕ್ತಿಗೆ ಸೋಂಕು ಇದ್ದದ್ದು ದೃಢಪಟ್ಟರೆ, ಸಂಜೆ ವೇಳೆಗೆ ಮಳವಳ್ಳಿಯ ಮಹಿಳೆಗೆ ಸೋಂಕು ತಗುಲಿದ್ದು ಖಚಿತವಾಗಿದೆ.

ಮಳವಳ್ಳಿಯ 22 ವರ್ಷದ ಮಹಿಳೆಗೆ ಸೋಂಕು ಇರುವುದು ದೃಢವಾಗಿದ್ದು, ತಬ್ಲಿಘಿಗಳ ಸಂಪರ್ಕ ಹೊಂದಿದ್ದ ಪಿ-371ರ ರೋಗಿಯಿಂದ ಸೋಂಕು ಬಂದಿದೆ ಎನ್ನಲಾಗಿದೆ.