ಮಂಡ್ಯ: ಕೊರೊನಾ ಭಯ ಹುಟ್ಟಿಸಿ ಕೆ.ಆರ್.ಪೇಟೆ ಸೇರಿಕೊಂಡಿದ್ದ ಅಪರಿಚಿತ ಯುವಕರು ಕೊನೆಗೂ ಪತ್ತೆಯಾಗಿದ್ದಾರೆ. ತಾಲ್ಲೂಕಿನ ಬಳ್ಳೆಕೆರೆ ಗ್ರಾಮದ ಈ ಯುವಕರು ಔಷಧಿ ತರಲು ಹೋಗಿ ಮರಳುವಾಗ ಪೊಲೀಸರಿಗೆ ಭಯ ಹುಟ್ಟಿಸಿದ ಬಗ್ಗೆ ಒಪ್ಪಿಕೊಂಡಿದ್ದಾರೆ.
ಬಳ್ಳೆಕೆರೆ ಗ್ರಾಮದ ಅಭಿ, ಅಪ್ಪು ಹಾಗೂ ಮಹೇಶ್ ಚಿನಕುರಳಿ ಗ್ರಾಮಕ್ಕೆ ಹೋಗಿ ಬರುವಾಗ ಕೆ.ಆರ್.ಪೇಟೆ ಚೆಕ್ ಪೋಸ್ಟ್ ಬಳಿ ತಪಾಸಣೆಗೆ ಒಳಗಾಗಿದ್ದಾರೆ. ಈ ವೇಳೆ ಯುವಕನೊಬ್ಬನ ಕೈ ಮೇಲೆ ಕ್ವಾರಂಟೈನ್ ಸೀಲ್ ನೋಡಿ ಚೆಕ್‌ಪೋಸ್ಟ್ ಸಿಬ್ಬಂದಿ ಪ್ರಶ್ನಿಸಿದಾಗ ಇವರು ತಪ್ಪಿಸಿಕೊಂಡು ಪರಾರಿಯಾಗಿದ್ದರು.
ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ ಪೊಲೀಸ್ ಇಲಾಖೆ ಕೊನೆಗೂ ಅಪರಿಚಿತರನ್ನು ಗುರುತಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಮೂರು ಮಂದಿಯನ್ನು ವಶಕ್ಕೆ ಪಡೆದು ವಿಚಾರಣೆ ಮಾಡುತ್ತಿದ್ದಾರೆ.
