ಕೊಪ್ಪಳ: ಕೊಪ್ಪಳದ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಮೊಟ್ಟಮೊದಲ ತ್ರಿವಳಿ ತಲಾಖ್ ಪ್ರಕರಣ ಸೆಪ್ಟಂಬರ್ 18 ರಂದು ದಾಖಲಾಗಿದೆ. ಗಜೇಂದ್ರಗಡ ಮೂಲದ ಸೈಯದ್ ವಾಹಿದ್ ಅತ್ತರ್ ವಿರುದ್ಧ ಸೈಯದ್ ಪತ್ನಿ ಖಾಲೀದಾ ಬೇಗಂ ದೂರು ದಾಖಲಿಸಿದ್ದಾರೆ.
ಕೊಪ್ಪಳದಲ್ಲಿ ದಾಖಲಾಯಿತು ತ್ರಿವಳಿ ತಲಾಖ್ ಪ್ರಕರಣ
ಖಾಲೀದಾ ಬೇಗಂ ಹಾಗು ವಾಹಿದ್ ಮಧ್ಯೆ ಕೌಟುಂಬಿಕ ಕಲಹವಿದ್ದ ಹಿನ್ನೆಲೆಯಲ್ಲಿ. 2021 ರಲ್ಲಿ ಕೊಪ್ಪಳ ಜೆಎಂಎಫ್ಸಿ ನ್ಯಾಯಾಲಯದಲ್ಲಿ ಪ್ರಕರಣದ ವಿಚಾರಣೆ ನಡೆದಿತ್ತು. ಆ ವಿಚಾರಣೆ ಹಿನ್ನೆಲೆಯಲ್ಲಿ ನ್ಯಾಯಲಕ್ಕೆ ಆಗಮಿಸಿದಾಗ ಸೆಪ್ಟೆಂಬರ್ 15 ರಂದು ಸೈಯದ್ ವಾಹಿದ್ ಷರಿಯತ್ ಕಾಯ್ದೆ ಅನ್ವಯ ಮೂರು ಬಾರಿ ತಲಾಖ್ ಎಂದು ಹೇಳಿದ್ದಾನೆ.
ಈ ಬಗ್ಗೆ ಖಾಲೀದಾ ಬೇಗಂ ಕೋರ್ಟ್ನಲ್ಲಿ ಹೇಳಿದಾಗ ಕೇಸ್ ದಾಖಲಿಸಲು ಸಲಹೆ ನೀಡಿದ್ದರು. ಅದರಂತೆ ಬೇಗಂ ಅವರು ಕೊಪ್ಪಳದ ಮಹಿಳಾ ಠಾಣೆಯಲ್ಲಿ ವಳಿ ತಲಾಖ್ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ ಎಂದು ಕೊಪ್ಪಳ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು ತಿಳಿಸಿದ್ದಾರೆ.
ಇದನ್ನೂ ಓದಿ : ಬಸ್ನಿಂದ ಹೊರಗೆಸೆಯಲ್ಪಟ್ಟು ವಿದ್ಯಾರ್ಥಿ ಸಾವು : ಬಸ್ ಡ್ರೈವರ್, ಕಂಡಕ್ಟರ್ ಬಂಧನ
