ಅಂಜನಾದ್ರಿ ಬೆಟ್ಟದ ದೇಗುಲದಲ್ಲಿ ಪತ್ತೆಯಾಯ್ತು ಸಿಂಗಾಪುರದ ನಾಣ್ಯ!

ಅಂಜನಾದ್ರಿ ದೇಗುಲದ ಕಾಣಿಕೆ ಹುಂಡಿಯನ್ನು ಶನಿವಾರ ಕಂದಾಯ ಅಧಿಕಾರಿಗಳು ತೆರೆದಿದ್ದು, ಹುಂಡಿಯಲ್ಲಿ ಸಿಂಗಾಪುರದ ನಾಣ್ಯ ಪತ್ತೆಯಾಗಿದೆ.

ಗಂಗಾವತಿ: ತಾಲೂಕಿನ ‌ಧಾರ್ಮಿಕ ಹಾಗೂ ಐತಿಹಾಸಿಕ ತಾಣವಾದ ಅಂಜನಾದ್ರಿ ಬೆಟ್ಟದ‌ ಆಂಜನೇಯ ದೇಗುಲದಲ್ಲಿ ಭಕ್ತರು ಕಾಣಿಕೆ ಸಲ್ಲಿಸಿದ್ದ ಹುಂಡಿಯನ್ನು ಶನಿವಾರ ಕಂದಾಯ ಅಧಿಕಾರಿಗಳು ತೆಗೆದರು.

ಹುಂಡಿಯಲ್ಲಿ ಸಿಂಗಾಪುರದ ನಾಣ್ಯ ಪತ್ತೆಯಾಗಿದೆ. ಕೇವಲ 25 ದಿನಗಳ ಹಿಂದಷ್ಟೆ ಕಾಣಿಕೆ ಪೆಟ್ಟಿಗೆ ತೆರೆಯಲಾಗಿತ್ತು. ದಾಖಲೆಯ ₹ 9.26 ಲಕ್ಷ ಮೊತ್ತದ ಹಣ ಸಂಗ್ರಹವಾಗಿತ್ತು.

ಡಿಸೆಂಬರ್​​ 9ರಂದು ಹನುಮಮಾಲೆ ಇರುವ ಕಾರಣಕ್ಕೆ ಹುಂಡಿ ತೆರೆಯಲಾಗಿದೆ. ಹಣದ ಎಣಿಕೆ ಕಾರ್ಯ ನಡೆದಿದ್ದು, ಸಂಜೆ ವೇಳೆಗೆ ಸಂಗ್ರಹದ ಮೊತ್ತ ಗೊತ್ತಾಗಲಿದೆ ಎಂದು ತಹಶೀಲ್ದಾರ್​ ಚಂದ್ರಕಾಂತ್ ಹೇಳಿದರು. ಕಂದಾಯ ನಿರೀಕ್ಷಕ ಮಂಜುನಾಥ ಹಿರೇಮಠ ಇತರರು ಈ ವೇಳೆ ಇದ್ದರು.