ರಸ್ತೆ ನಿರ್ಮಾಣಕ್ಕೆ 300 ರೂಪಾಯಿ ದೇಣಿಗೆ ನೀಡಿದ ಅಜ್ಜಿ: ಕಾಲು ಮುಟ್ಟಿ ನಮಸ್ಕರಿಸಿದ ಶಾಸಕ ಹಾಲಪ್ಪ!

ಮಂಡಲಗೇರಿಯಲ್ಲಿ ಗ್ರಾಮದಲ್ಲಿ ರಸ್ತೆ ನಿರ್ಮಾಣ ಕಾಮಗಾರಿಗೆ ಭೂಮಿ ಪೂಜೆ ನಡೆದಿದೆ. ಈ ಸಂದರ್ಭದಲ್ಲಿ ಅಜ್ಜಿವೋರ್ವಳು 300 ರೂಪಾಯಿ ದೇಣಿಗೆ ನೀಡಿದ್ದಾರೆ.

ಕೊಪ್ಪಳ: ರಸ್ತೆ ನಿರ್ಮಾಣಕ್ಕಾಗಿ ವೃದ್ಧೆಯೊಬ್ಬರು ವೇದಿಕೆಯಲ್ಲಿ 300 ರೂಪಾಯಿ ದೇಣಿಗೆ ನೀಡಿದ್ದರಿಂದ ಶಾಸಕ ಹಾಲಪ್ಪ ಆಚಾರ್ ವೃದ್ಧೆಯ ಕಾಲಿಗೆ ನಮಸ್ಕರಿಸಿದ್ದಾರೆ‌.

ಜಿಲ್ಲೆ ಕುಕನೂರ ತಾಲೂಕಿನ ಮಂಡಲಗೇರಿಯಲ್ಲಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಮಂಡಲಗೇರಿ - ಸೋಂಪುರ ರಸ್ತೆ ನಿರ್ಮಾಣ ಕಾಮಗಾರಿ ಭೂಮಿ ಪೂಜೆ ಕಾರ್ಯಕ್ರಮದ ಸಂದರ್ಭದಲ್ಲಿ ಗ್ರಾಮದ ಪಾರಮ್ಮ ಸಂಗನಾಳ ಎಂಬ ವೃದ್ಧೆಯು ವೇದಿಕೆಗೆ ಬಂದು ರಸ್ತೆ ನಿರ್ಮಾಣ ಕಾಮಗಾರಿಗೆ 300 ರೂಪಾಯಿ ದೇಣಿಗೆ ನೀಡಿದ್ದಾರೆ.

ಈ ಸಂದರ್ಭದಲ್ಲಿ ಯಲಬುರ್ಗಾ ಶಾಸಕ ಹಾಲಪ್ಪ ಆಚಾರ್ ಅವರು ಅಜ್ಜಿಯನ್ನು ಸತ್ಕರಿಸಿ ನೀವ್ಯಾಕೆ ಬರೋದಕ್ಕೆ ಹೋದ್ರಿ? ನೀವು ತಾಯಿ ಸಮಾನ ಎಂದು‌ ಅಜ್ಜಿಯ ಕಾಲುಮುಟ್ಟಿ ನಮಸ್ಕರಿಸಿದರು.