ಕುಷ್ಟಗಿ/ಕೊಪ್ಪಳ: ಕೃಷ್ಣ ಭಾಗ್ಯ ಜಲ ನಿಗಮ ನಿಯಮಿತ ತಾಲೂಕಿನ ಕೊಪ್ಪಳ ಏತ ನೀರಾವರಿ ಯೋಜನೆಯ ಕಲಾಲಬಂಡಿ ಡೆಲಿವರಿ ಚೇಂಬರ್ ಬಳಿ ನಿರ್ಮಿಸುತ್ತಿರುವ ಜಾಕವೆಲ್ 3ನೇ ಬ್ರ್ಯಾಂಚ್ (ಕುಷ್ಟಗಿ, ಯಲಬುರ್ಗಾ, ಕನಕಗಿರಿ) ಕಾಮಗಾರಿಯನ್ನು ಶಾಸಕ ಅಮರೇಗೌಡ ಪಾಟೀಲ್ ಬಯ್ಯಾಪೂರ ಪರಿಶೀಲಿಸಿದರು.
ಏತ ನೀರಾವರಿ ಕಾಮಗಾರಿ ವೇಗಕ್ಕೆ ಶಾಸಕ ಅಮರೇಗೌಡ ಪಾಟೀಲ್ ಬಯ್ಯಾಪೂರ ಸೂಚನೆ
ಕಾಮಗಾರಿ ವಿಳಂಬಗತಿಯಲ್ಲಿದ್ದು, ಇನ್ನಷ್ಟು ಕಾರ್ಮಿಕರನ್ನು ಬಳಸಿಕೊಂಡು ಕಾಮಗಾರಿಯ ವೇಗ ಹೆಚ್ಚಿಸಬೇಕು. ಕಾಮಗಾರಿಯಲ್ಲಿ ಗುಣಮಟ್ಟ ಕಾಯ್ದುಕೊಳ್ಳಬೇಕು. ಈ ಕಾಮಗಾರಿ ಜೊತೆಯಲ್ಲಿ ಜಾಕವೆಲ್ಗೆ ವಿದ್ಯುತ್ ಪೂರೈಕೆಗಾಗಿ ಆ ಕಾರ್ಯ ಕೈಗೆತ್ತಿಕೊಳ್ಳಲು ಇಂಜಿನಿಯರ್ಗೆ ಕರೆ ಮಾಡಿ ಸೂಚಿಸಿದರು.
ಉದ್ದೇಶಿತ ಜಾಕವೆಲ್ ಯೋಜನೆಯಡಿ ನೀರನ್ನು ಏರುಕೊಳವೆ ಮೂಲಕ ಹರಿಸಿ ಕೆರೆಗಳನ್ನು ತುಂಬಿಸುವ ಈ ಯೋಜನೆ ಕಾಮಗಾರಿಯ ಅನುಷ್ಠಾನಕ್ಕೆ ತ್ವರಿತಗತಿಯ ಕ್ರಮ ಕೈಗೊಳ್ಳಬೇಕು ಎಂದರು. ಕಾಮಗಾರಿ ಸ್ಥಳದಲ್ಲಿದ್ದ ಮರಳು ಸರಿ ಇಲ್ಲದ ಕಾರಣ ಆ ಮರಳನ್ನು ಕಾಮಗಾರಿಗೆ ಬಳಸದಂತೆ ಸಂಬಂಧಿಸಿದ ಅಧಿಕಾರಿಗಳಿಗೆ ಸೂಚಿಸಿದರು.
