ತವರು ಮನೆಯಿಂದ ಪತ್ನಿ ಬಾರದಿದ್ದಕ್ಕೆ ಮನನೊಂದು ಪತಿ ಆತ್ಮಹತ್ಯೆ

ಕುಷ್ಟಗಿ ತಾಲೂಕಿನ ಟಕ್ಕಳಕಿ ಗ್ರಾಮದ ಪ್ರಶಾಂತ ಸಂಗಪ್ಪ ಮಡಿವಾಳ ಎಂಬಾತ ಪತ್ನಿ ತವರು ಮನೆಯಿಂದ ಹಿಂತಿರುಗಿ ಬಾರದ ಹಿನ್ನೆಲೆಯಲ್ಲಿ ಮನನೊಂದು ನೇಣಿಗೆ ಶರಣಾಗಿದ್ದಾನೆ.

ಕುಷ್ಟಗಿ(ಕೊಪ್ಪಳ): ತವರಿಗೆ ಹೋಗಿದ್ದ ಪತ್ನಿ ಹಿಂತಿರುಗಿ ಮನೆಗೆ ಬಾರದ ಹಿನ್ನೆಲೆ ಮನನೊಂದ ಪತಿ ನೇಣಿಗೆ ಶರಣಾಗಿದ್ದಾನೆ.

ಪ್ರಶಾಂತ ಸಂಗಪ್ಪ ಮಡಿವಾಳ(30) ಆತ್ಮಹತ್ಯೆ ಮಾಡಿಕೊಂಡ ಯುವಕ. ತಾಲೂಕಿನ ಟಕ್ಕಳಕಿ ಗ್ರಾಮದವನಾಗಿದ್ದು, ಕುಷ್ಟಗಿ 3ನೇ ವಾರ್ಡ್​ನಲ್ಲಿ ಲಾಂಡ್ರಿ ಅಂಗಡಿ ನಡೆಸುತ್ತಿದ್ದ. ಪತ್ನಿಯೊಂದಿಗೆ ಪ್ರಶಾಂತ ಜಗಳವಾಡಿದ ಹಿನ್ನೆಲೆ ಪತ್ನಿ ತವರು ಮನೆ ಸೇರಿದ್ದಳು. ಹಿರಿಯರು ಬುದ್ದಿವಾದ ಹೇಳಿದರೂ ಪತಿ ಮನೆಗೆ ಬರಲು ಆಕೆ ನಿರಾಕರಿಸಿದ್ದಳು.

ಇದರಿಂದ ಮನನೊಂದ ಪತಿ ಪ್ರಶಾಂತ ಶನಿವಾರ ಬೆಳಗ್ಗೆ ಲಾಂಡ್ರಿ ಅಂಗಡಿಯ ಫ್ಯಾನ್​ಗೆ ನೇಣಿಗೆ ಶರಣನಾಗಿದ್ದಾನೆ. ಕುಷ್ಟಗಿ ಪಿಎಸ್​ಐ ಚಿತ್ತರಂಜನ್ ನಾಯಕ್ ಭೇಟಿ ನೀಡಿ ಪರಿಶೀಲಿದ್ದು,ಈಗಾಗಲೇ ಕುಷ್ಟಗಿ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.