ಯಮ-ಕೋಣನ ವೇಷ: ಕೊಪ್ಪಳ ಪೊಲೀಸರಿಂದ ಕೊರೊನಾ ಕುರಿತು ವಿಭಿನ್ನ ಜಾಗೃತಿ

ಕೊಪ್ಪಳ ಪೊಲೀಸರು ಯಮ ಧರ್ಮರಾಯ ಹಾಗೂ ಕೋಣನ ವೇಷ ಧರಿಸಿ ನಗರದಾದ್ಯಂತ ಮೆರವಣಿಗೆ ನಡೆಸುವ ಮೂಲಕ ಜನರಲ್ಲಿ ಕೊರೊನಾ ಕುರಿತು ಜಾಗೃತಿ ಮೂಡಿಸಿದ್ರು.

ಕೊಪ್ಪಳ: ಜಿಲ್ಲೆಯ ಪೊಲೀಸರು ವಿಭಿನ್ನ ಪ್ರಯತ್ನದ‌ ಮೂಲಕ ಜನರಲ್ಲಿ ಕೊರೊನಾ ಬಗ್ಗೆ ಜಾಗೃತಿ ಮೂಡಿಸಲು ಮುಂದಾಗಿದ್ದಾರೆ.

ಕೊರೊನಾ ಭೀತಿ ಹಿನ್ನೆಲೆ ದೇಶದಾದ್ಯಂತ ಲಾಕ್​ಡೌನ್​ ಘೋಷಣೆಯಾಗಿದೆ. ಜನರಿಗೆ ಹೊರಗೆ ಬರಬೇಡಿ ಎಂದು ಎಷ್ಟು ಬಾರಿ ಹೇಳಿದ್ರೂ ಯಾರೂ ಪೊಲೀಸರ ಮಾತು ಕೇಳುತ್ತಿಲ್ಲ. ಹೀಗಾಗಿ, ಕೊಪ್ಪಳ ಪೊಲೀಸರು ಯಮ ಧರ್ಮರಾಯ ಹಾಗೂ ಕೋಣನ ವೇಷ ಧರಿಸಿ ನಗರದಾದ್ಯಂತ ಮೆರವಣಿಗೆ ನಡೆಸುವ ಮೂಲಕ ಜನರಲ್ಲಿ ಜಾಗೃತಿ ಮೂಡಿಸಿದ್ರು.

ಡಿವೈಎಸ್ಪಿ ವೆಂಕಟಪ್ಪ ನಾಯಕ್, ನಗರ ಠಾಣೆ ಪಿಐ ಮೌನೇಶ್ವರ ನೇತೃತ್ವದಲ್ಲಿ ವಿಭಿನ್ನ ರೀತಿಯಲ್ಲಿ ಜಾಗೃತಿ ಮೂಡಿಸುವ ಪ್ರಯತ್ನ ನಡೆಯಿತು.