ಕೊಪ್ಪಳ: ಪತಿ-ಪತ್ನಿ ಇಬ್ಬರೂ ಜಯ ಗಳಿಸುವ ಮೂಲಕ ಗ್ರಾಮ ಪಂಚಾಯತ್ಗೆ ಎಂಟ್ರಿ ಕೊಟ್ಟಿದ್ದಾರೆ. ಕೊಪ್ಪಳ ತಾಲೂಕಿನ ಗೊಂಡಬಾಳ ಗ್ರಾಮ ಪಂಚಾಯತ್ಗೆ ಪತಿ ಹಾಗೂ ಪತ್ನಿ ಇಬ್ಬರೂ ಚುನಾಯಿತರಾಗುವ ಮೂಲಕ ಗೆಲುವಿನ ನಗೆ ಬೀರಿದ್ದಾರೆ.
ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ದಂಪತಿಗೆ ಗೆಲುವು
ಸೋಮಶೇಖರಯ್ಯ ಇನಾಮದಾರ್ ಹಾಗೂ ಅವರ ಪತ್ನಿ ದೀಪಾ ಇನಾಮದಾರ್ ಅವರೇ ಈ ಅದೃಷ್ಟಶಾಲಿ ದಂಪತಿ. ಗ್ರಾಮದ ಒಂದನೇ ವಾರ್ಡಿನಿಂದ ಸ್ಪರ್ಧಿಸಿದ್ದ ಸೋಮಶೇಖರಯ್ಯ ಇನಾಮದಾರ ಹಾಗೂ 3ನೇ ವಾರ್ಡಿನಿಂದ ಅವರ ಪತ್ನಿ ದೀಪಾ ಇನಾಮದಾರ್ ಸ್ಪರ್ಧಿಸಿ ಗೆದ್ದಿದ್ದಾರೆ. ಕಳೆದ ಎರಡು ಬಾರಿ ಸೋಮಶೇಖರಯ್ಯ ಚುನಾವಣೆಗೆ ಸ್ಪರ್ಧಿಸಿ ಸೋಲು ಕಂಡಿದ್ದರು.
ಈಗ ಮೂರನೇ ಬಾರಿಗೆ ಅದೃಷ್ಟ ಪರೀಕ್ಷೆಗೆ ಇಳಿದು ವಿಜಯಿಯಾಗಿದ್ದಾರೆ. ಇದರ ಜೊತೆಗೆ ಇದೇ ಮೊದಲ ಬಾರಿಗೆ ಚುನಾವಣೆಗೆ ಸ್ಪರ್ಧಿಸಿದ್ದ ಅವರ ಪತ್ನಿಯೂ ಆಯ್ಕೆಯಾಗುವ ಮೂಲಕ ಗಮನ ಸೆಳೆದಿದ್ದಾರೆ.
ಇದನ್ನೂ ಓದಿ: ಗ್ರಾ.ಪಂಚಾಯತ್ ಮಾಜಿ ಅಧ್ಯಕ್ಷರಿಗೆ ಸೋಲುಣಿಸಿದ ಗಿರಿಜನ ಅಭ್ಯರ್ಥಿ
