ಗಂಗಾವತಿ: ಮಹಾರಾಷ್ಟ್ರದಿಂದ ಬಂದಿದ್ದ ಮೂರು ವರ್ಷದ ಮಗುವಿಗೆ ಕೋವಿಡ್​ ಪಾಸಿಟಿವ್

ಗಂಗಾವತಿ ತಾಲೂಕಿನ ಕಿಲ್ಲಾ ಏರಿಯಾಗೆ ಮಹಾರಾಷ್ಟ್ರದಿಂದ ಪೋಷಕರೊಂದಿಗೆ ಬಂದಿದ್ದ ಮೂರು ವರ್ಷದ ಮಗುವಿಗೆ ಕೊರೊನಾ ಪಾಸಿಟಿವ್ ಬಂದಿದೆ.

ಗಂಗಾವತಿ: ಪಾಲಕರೊಂದಿಗೆ ಮಹಾರಾಷ್ಟ್ರದಿಂದ ಪಟ್ಟಣದ ಕಿಲ್ಲಾ ಏರಿಯಾಗೆ ಬಂದಿದ್ದ ಮೂರು ವರ್ಷದ ಮಗುವಿಗೆ ಕೊರೊನಾ ಪಾಸಿಟಿವ್ ಬಂದಿದೆ.

ಜೂನ್ 10 ರಂದು ನಗರಕ್ಕೆ ಆಗಮಿಸಿದ್ದ ಮಗು ಹಾಗೂ ಪೋಷಕರನ್ನು ಆರೋಗ್ಯ ಇಲಾಖೆಯ ಅಧಿಕಾರಿಗಳು ಕ್ವಾರಂಟೈನ್​ ಮಾಡಿ, ಸ್ಯಾಂಪಲ್ಸ್​ ಪರೀಕ್ಷೆಗೆ ರವಾನಿಸಿದ್ದರು. ವರದಿಯಲ್ಲಿ ಮಗುವಿಗೆ ಸೋಂಕು ದೃಢಪಟ್ಟಿದೆ.

ಸದ್ಯ ಮಗುವನ್ನು ಜಿಲ್ಲಾ ಕೋವಿಡ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಸೋಂಕು ದೃಢಪಟ್ಟ ಬಳಿಕ ಕಿಲ್ಲಾ ಏರಿಯಾವನ್ನು ಸೀಲ್ ಡೌನ್ ಮಾಡಲಾಗಿದೆ.