ಕೊಪ್ಪಳ: ಜೆಸ್ಕಾಂ ಲೈನ್‌ಮನ್‌ ಮೇಲೆ ಹಲ್ಲೆ, ವಿಡಿಯೋ ವೈರಲ್

ಕೊಪ್ಪಳದ ಜೆಸ್ಕಾಂ ಲೈನ್‌ಮನ್ ಮೇಲೆ ಯುವಕನೊಬ್ಬ ಪಾದರಕ್ಷೆಯಿಂದ ಹಲ್ಲೆಗೆ ಮುಂದಾದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಗಂಗಾವತಿ(ಕೊಪ್ಪಳ): ಕರ್ತವ್ಯನಿರತ ಜೆಸ್ಕಾಂ ಲೈನ್‌ಮನ್ ಮೇಲೆ ಯುವಕನೊಬ್ಬ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಪಾದರಕ್ಷೆಯಿಂದ ಥಳಿಸಲು ಮುಂದಾಗಿದ್ದಾನೆ. ಘಟನೆಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ಜೆಸ್ಕಾಂ ಲೈನ್​ಮನ್ ಗುರುಸಂಗಪ್ಪ ನಿಂಗಪ್ಪ ಮುಕಾಸಿ ಎಂಬುವವರ ಮೇಲೆ ಹಿರೇಜಂತಕಲ್ ಪ್ರದೇಶದ ನಿವಾಸಿ ವೀರೇಶ ಮಲ್ಲಪ್ಪ ಅಕ್ಕಿರೊಟ್ಟಿ ಹಾಗೂ ಇತರೆ ಇಬ್ಬರಿಗೆ ಕೊಲೆ ಬೆದರಿಕೆ ಮತ್ತು ಕರ್ತವ್ಯಕ್ಕೆ ಅಡ್ಡಿಪಡಿಸಿದ್ದಾರೆ ಎಂದು ದೂರು ಸಲ್ಲಿಸಲಾಗಿದೆ. ನಾಲ್ವರು ಲೈನ್‌ಮ್ಯಾನ್​ಗಳು ಹಿರೇಜಂತಕಲ್ ಪ್ರದೇಶದ ಹರಿಜನ ವಾಡದಲ್ಲಿರುವ ಅಖಂಡೇಶ್ವರ ದೇವಸ್ಥಾನದ ಜಾತ್ರೆ ಅಂಗವಾಗಿ ತೇರು ಹೋಗುವ ರಸ್ತೆಯ ವಿದ್ಯುತ್​ ತಂತಿ ತೆರವು ಕಾರ್ಯ ಮಾಡುತ್ತಿದ್ದಾಗ ಘಟನೆ ನಡೆದಿದೆ.

ಇದನ್ನೂ ಓದಿ : ವಿಜಯಪುರ: ಚಾಲಕನ ಗಮನ ಬೇರೆಡೆ ಸೆಳೆದು 18 ಲಕ್ಷ ರೂ ಎಗರಿಸಿದ ಖದೀಮರು