ಕಮ್ಮಾರ ಸಮುದಾಯಕ್ಕೂ ವಿಶೇಷ ಪ್ಯಾಕೇಜ್ ನೀಡಿ: ಸರ್ಕಾರಕ್ಕೆ ಮನವಿ

ಕಮ್ಮಾರ ಸಮಾಜಕ್ಕೆ ವಿಶೇಷ ಪ್ಯಾಕೇಜ್​ ಘೋಷಿಸಬೇಕೆಂದು ಕಮ್ಮಾರ ಸಮುದಾಯ ಕುಷ್ಟಗಿಯಲ್ಲಿ ಸರ್ಕಾರಕ್ಕೆ ಮನವಿ ಸಲ್ಲಿಸಿದೆ.

ಕುಷ್ಟಗಿ (ಕೊಪ್ಪಳ) : ಕೋವಿಡ್-19 ಲಾಕ್​​ ಡೌನ್ ಜಾರಿಯಲ್ಲಿ ವೃತ್ತಿಪರ ಕಮ್ಮಾರ ಸಮಾಜ ಸಂಕಷ್ಟದಲ್ಲಿರುವ ಹಿನ್ನೆಲೆ ಸರ್ಕಾರ ಈ ಸಮುದಾಯಕ್ಕೆ ವಿಶೇಷ ಪ್ಯಾಕೇಜ್ ಪರಿಹಾರ ಘೋಷಿಸಬೇಕೆಂದು ಕುಷ್ಟಗಿ ತಾಲೂಕು ಕಮ್ಮಾರ ಕ್ಷೇಮಾಭಿವೃದ್ಧಿ ಸಂಘದಿಂದ ತಹಶೀಲ್ದಾರ್​​ ಎಂ. ಸಿದ್ದೇಶ ಅವರ ಮೂಲಕ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಅವರಿಗೆ ಮನವಿ ಸಲ್ಲಿಸಿದರು.

ಕಮ್ಮಾರ ಸಮಾಜದ ಅಧ್ಯಕ್ಷ ಪರಶುರಾಮಪ್ಪ ಕಮ್ಮಾರ್​ ಮಾತನಾಡಿ, ಕೊರೊನಾ ಲಾಕ್​​​​​​ಡೌನ್ ಜಾರಿ ದಿನದಿಂದ ಗೃಹ ನಿರ್ಮಾಣ ಕೃಷಿ ಚಟುವಟಿಕೆಗಳು ಸ್ಥಗಿತಗೊಂಡಿವೆ. ಕಮ್ಮಾರಿಕೆ ವೃತ್ತಿಯ ಮಾಡುತ್ತಿರುವ ಜನರಿಗೆ ಕೆಲಸವೇ ಇಲ್ಲ. ಮುಖ್ಯಮಂತ್ರಿಗಳು ಕೆಲ ಸಮಾಜಕ್ಕೆ ನೆರವು ನೀಡಿದ ರೀತಿಯಲ್ಲಿ ಹಿಂದುಳಿದ ಕಮ್ಮಾರಿಕೆ ಸಮುದಾಯಕ್ಕೆ ಪ್ಯಾಕೇಜ್ ಪರಿಹಾರ ಘೋಷಿಸಬೇಕೆಂದು ಮನವಿ ಸಲ್ಲಿಸಿದರು.