ಕೊಪ್ಪಳ: ನೌಕರರ ಮುಷ್ಕರದ ನಡುವೆ ಸಾರಿಗೆ ಸಂಸ್ಥೆಯ ಬಸ್ಗಳು ದಿನದಿಂದ ದಿನಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ರಸ್ತೆಗೆ ಇಳಿಯುತ್ತಿದ್ದು, ಇಂದು ಅಪರಾಹ್ನದ ವೇಳೆಗೆ ಕೊಪ್ಪಳ ವಿಭಾಗದಿಂದ ಶೇ. 66ರಷ್ಟು ಬಸ್ಗಳು ಸಂಚಾರ ನಡೆಸಿವೆ.
ಈ ಕುರಿತು ಈಶಾನ್ಯ ಕರ್ನಾಟಕ ಸಾರಿಗೆ ಸಂಸ್ಥೆಯ ಕೊಪ್ಪಳ ವಿಭಾಗೀಯ ನಿಯಂತ್ರಣಾಧಿಕಾರಿ ಎಂ.ಎ.ಮುಲ್ಲಾ ಪ್ರತಿಕ್ರಿಯಿಸಿ, ಕೊಪ್ಪಳ ವಿಭಾಗದಲ್ಲಿ ಐದು ಡಿಪೋಗಳಿದ್ದು ಇಂದು ಮಧ್ಯಾಹ್ನ 12 ಗಂಟೆಯ ವೇಳೆಗೆ 203 ಬಸ್ಗಳು ಸಂಚಾರ ಮಾಡಬೇಕಿತ್ತು. ಆ ಪೈಕಿ 134 ಬಸ್ಗಳು ಸಂಚಾರ ಮಾಡಿವೆ. ಇಂದು ಮಧ್ಯಾಹ್ನ ಕೊಪ್ಪಳ ಘಟಕದಿಂದ 55 ಬಸ್ ಗಳು ಸಂಚರಿಸಬೇಕಿತ್ತು. 38 ಬಸ್ಗಳು ಸಂಚರಿಸಿವೆ.
ಕುಷ್ಟಗಿ ಘಟಕದಿಂದ 46 ಬಸ್ಗಳ ಪೈಕಿ 23, ಗಂಗಾವತಿ ಘಟಕದಿಂದ 56 ಬಸ್ಗಳ ಪೈಕಿ 36, ಯಲಬುರ್ಗಾ ಘಟಕದಿಂದ 24 ಬಸ್ಗಳ ಪೈಕಿ 16, ಕುಕನೂರು ಘಟಕದಿಂದ 32ರ ಪೈಕಿ 22 ಬಸ್ಗಳು ಸಂಚಾರ ಮಾಡಿದೆ. ಒಟ್ಟು ಶೇ. 66ರಷ್ಟು ಬಸ್ಗಳು ಸಂಚಾರ ನಡೆಸಿದ್ದು, ಸಂಜೆಯ ವೇಳೆಗೆ ಇದರ ಪ್ರಮಾಣ ಇನ್ನಷ್ಟು ಹೆಚ್ಚಾಗಲಿದೆ ಎಂದು ವಿಭಾಗೀಯ ನಿಯಂತ್ರಣಾಧಿಕಾರಿ ಎಂ.ಎ.ಮುಲ್ಲಾ ತಿಳಿಸಿದ್ದಾರೆ.
