ಗಂಗಾವತಿ : ಸ್ಕೇಟಿಂಗ್ ರೂಲ್ ಶೂಗಳನ್ನು ಹಾಕಿಕೊಂಡು ನೆಟ್ಟಗೆ ನಿಲ್ಲುವುದೇ ಕಷ್ಟ. ಅಂಥದ್ರಲ್ಲಿ ಈ ಮಕ್ಕಳು ಸ್ಕೇಟಿಂಗ್ ಮೂಲಕ ಕೇವಲ 12 ನಿಮಿಷಗಳಲ್ಲಿ 3 ಕಿಲೋ ಮೀಟರ್ ಕ್ರಮಿಸಿ ದಾಖಲೆ ಬರೆದಿದ್ದಾರೆ.
ಸ್ಕೇಟಿಂಗ್ನಲ್ಲಿ 12 ನಿಮಿಷಗಳಲ್ಲಿ 3 ಕಿ.ಮೀ. ಕ್ರಮಿಸಿದ ಮಕ್ಕಳು
ವರ್ಲ್ಡ್ ರೆಕಾರ್ಡ್ ಆಫ್ ಇಂಡಿಯಾ ಎಂಬ ಸಂಸ್ಥೆ ಆಯೋಜಿಸಿದ್ದ ಈ ಕ್ರೀಡಾ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ತರಬೇತುದಾರ ಜಬಿವುಲ್ಲಾ ಮಾತನಾಡಿ, ರಾಜ್ಯ ಹೆದ್ದಾರಿಯಲ್ಲಿ ಮೂರು ಕಿ.ಮೀ. ಸ್ಕೇಟಿಂಗ್ ಈವರೆಗೂ ನಡೆದಿರಲಿಲ್ಲ. ಇದೊಂದು ಮಕ್ಕಳ ಸಾಧನೆಯಾಗಿದೆ. ಈ ಸಾಧನೆಗಾಗಿ ಮಕ್ಕಳು ಕಳೆದ ಹಲವು ತಿಂಗಳಿಂದ ನಗರದ ಎಪಿಎಂಸಿಯಲ್ಲಿ ಬೆಳಗ್ಗೆ 6.30ರಿಂದ 8 ಗಂಟೆವರೆಗೆ ಕಠಿಣ ಅಭ್ಯಾಸ ಮಾಡಿದ್ದರು ಎಂದರು. ಮಕ್ಕಳ ಸ್ಕೇಟಿಂಗ್ ಸಂದರ್ಭದಲ್ಲಿ ಯಾವುದೇ ತೊಂದರೆಯಾಗದಂತೆ ಪೊಲೀಸರು ನಿಗಾ ವಹಿಸಿದ್ದರು.
