ಕೋಲಾರ: ಮೊದಲ ಹಂತದ ಕೊರೊನಾ ಲಸಿಕೆಗೆ ಜಿಲ್ಲಾಸ್ಪತ್ರೆಯಲ್ಲಿ ಸಂಸದ ಮುನಿಸ್ವಾಮಿ, ಶಾಸಕ ಶ್ರೀನಿವಾಸಗೌಡ, ಡಿಸಿ ಸತ್ಯಭಾಮ ಚಾಲನೆ ನೀಡಿದರು.
ಕೋಲಾರದಲ್ಲಿ ಕೊರೊನಾ ವ್ಯಾಕ್ಸಿನೇಶನ್ ಆರಂಭ
ಮೊದಲಿಗೆ ಡಿ ಗ್ರೂಪ್ ನೌಕರರಿಗೆ ವ್ಯಾಕ್ಸಿನ್ ನೀಡಲಾಗಿದೆ. ಮೊದಲ ವ್ಯಾಕ್ಸಿನ್ ಡೋಸ್ ಜಿಲ್ಲಾಸ್ಪತ್ರೆಯ ಗ್ರೂಪ್ ಡಿ ನೌಕರ 24 ವರ್ಷದ ಅನಿತಾ ಹಾಕಿಸಿಕೊಂಡ್ರು. ಎಲ್ಲರೂ ಕೂಡ ಧೈರ್ಯದಿಂದ ಲಸಿಕೆ ಹಾಕಿಸಿಕೊಳ್ಳಬಹುದು ಎಂದು ಉಳಿದ ಹೆಲ್ತ್ ಕೇರ್ ವರ್ಕರ್ಸ್‌ಗೆ ಅನಿತಾ ಮನವಿ ಮಾಡಿದ್ದಾರೆ.
ಇಂದು 6 ಕೇಂದ್ರಗಳಲ್ಲಿ ಲಸಿಕೆ ನೀಡಲಾಗುತ್ತಿದ್ದು, ಪ್ರತಿ ಕೇಂದ್ರದಲ್ಲಿ 100 ಮಂದಿಗೆ ಲಸಿಕೆ ನೀಡಲಾಗುತ್ತಿದೆ. ಜಿಲ್ಲೆಗೆ ಒಟ್ಟು 8000 ಲಸಿಕೆ ಡೋಸ್ಗಳು ಬಂದಿದ್ದು, ಜಿಲ್ಲೆಯಲ್ಲಿ 12,680 ಮಂದಿ ನೋಂದಣಿ ಮಾಡಿಕೊಂಡಿದ್ದಾರೆ.
