ಡ್ರಗ್ಸ್ ಮಾರಾಟ; ತಲೆಮರೆಸಿಕೊಂಡಿದ್ದ ಆಫ್ರಿಕಾದ ಆರೋಪಿ ಬಂಧನ

ಡ್ರಗ್ಸ್ ಮಾರಾಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬೆಂಗಳೂರಿನ ಹೊರಮಾವಿನಲ್ಲಿ ತಲೆಮರೆಸಿಕೊಂಡಿದ್ದ ವಿದೇಶಿ ಆರೋಪಿಯೊಬ್ಬನನ್ನು ಕೊನೆಗೂ ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.‌

ಕೊಡಗು: ಡ್ರಗ್ಸ್ ಮಾರಾಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿದೇಶಿ ಆರೋಪಿಯೊಬ್ಬನನ್ನು ಜಿಲ್ಲಾ ಅಪರಾಧ ಪತ್ತೆ ದಳದ ಪೊಲೀಸರು ಇಂದು ಬಂಧಿಸಿದ್ದಾರೆ.‌

ಒಪೊಂಗ್ ಸ್ಯಾಮ್​​ಸನ್​ ಬಂಧಿತ ಆರೋಪಿ. ಆಫ್ರಿಕಾದ ಎಕ್ರಾ ರಾಜ್ಯದ ಕುಂಸ್ಸೆ ಗ್ರಾಮದ ವ್ಯಕ್ತಿ ಮತ್ತು ಸಹಚರರು ಆ. 28 ರಂದು ಮಡಿಕೇರಿಯ ರಾಜಶೀಟ್ ಬಳಿ ಆ್ಯಂಪೆಟಮಿನ್ ಡ್ರಗ್ಸ್ ಮಾರಾಟಕ್ಕೆ ಯತ್ನಿಸುತ್ತಿದ್ದರು. ಮಡಿಕೇರಿ ತಾಲೂಕಿನ ಅಯ್ಯಂಗೇರಿ ಗ್ರಾಮದ ವ್ಯಕ್ತಿಗಳಿಗೆ ಡ್ರಗ್ಸ್ ಸರಬರಾಜು ಮಾಡಲು ಯತ್ನಿಸುತ್ತಿದ್ದರು. ಈ ವೇಳೆ ಅಯ್ಯಂಗೇರಿಯ ಮಜೀದ್ ಮತ್ತು ಶಿಯಾಬುದ್ದೀನ್​ ಇಬ್ಬರನ್ನು ಬಂಧಿಸಲಾಗಿತ್ತು.

ಬಂಧನದ ವೇಳೆ ಆರೋಪಿ ಒಪೊಂಗ್ ಸ್ಯಾಮ್ಪ್ಸನ್ ತಲೆ ಮರೆಸಿಕೊಂಡಿದ್ದನು. ಬಳಿಕ ಆರೋಪಿಗಾಗಿ ಡಿಸಿಐಬಿ ಪೊಲೀಸರು ಬಲೆ‌ ಬೀಸಿದ್ದರು. ಬೆಂಗಳೂರಿನ ಹೊರಮಾವಿನಲ್ಲಿ ತಲೆಮರೆಸಿಕೊಂಡಿದ್ದ ಆರೋಪಿಯನ್ನು ಕೊನೆಗೂ ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.‌