ನಾಗಾ ಸಾಧುಗಳೆಂದು ವಂಚನೆ, ಕೊಡಗಿನಲ್ಲಿ ನಾಲ್ವರ ಬಂಧನ!

ನಾಗಾ ಸಾಧುಗಳು ಎಂದು ಹೇಳಿಕೊಂಡು ದರೋಡೆ ಮಾಡುತ್ತಿದ್ದ ಖದೀಮರನ್ನು ಕೊಡಗು ಪೊಲೀಸರು ಬಂಧಿಸಿ ಜೈಲಿಗಟ್ಟಿದ್ದಾರೆ.

ಕೊಡಗು: ನಾಗಾ ಸಾಧುಗಳ ವೇಷ ಧರಿಸಿ ಸಾರ್ವಜನಿಕರಿಗೆ ವಂಚಿಸುತ್ತಿದ್ದ ನಾಲ್ವರು ಅಂತರರಾಜ್ಯ ದರೋಡೆಕೋರರನ್ನು ಕುಶಾಲನಗರ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ರಾಜಸ್ಥಾನ ಮೂಲದ ನಾಗನಾಥ್ (40) ), ಜಜೂರ್ ನಾಥ್ (25), ಸುರಬ್ ನಾಥ್ (45) ಹಾಗೂ ಉಮೇಶ್ ನಾಥ್ (24) ಬಂಧಿತ ನಕಲಿ ನಾಗಾ ಸಾಧುಗಳು. ಇವರಿಂದ ಕೃತ್ಯಕ್ಕೆ ಬಳಸುತ್ತಿದ್ದ ಬಾಡಿಗೆ ಕಾರು ಹಾಗೂ ರಾಸಾಯನಿಕ ಪುಡಿ ವಶಪಡಿಸಿಕೊಳ್ಳಲಾಗಿದೆ. ನಾವು ಅಗೋರಿಗಳು ಎಂದು ಸಾರ್ವಜನಿಕರಿಗೆ ಹೇಳಿ ರಾಸಾಯನಿಕ ಪುಡಿ‌ ಕೊಟ್ಟು ಹಣ ಮತ್ತು ಮೊಬೈಲ್ ಕದಿಯುತ್ತಿದ್ದರು. ಕುಶಾಲನಗದಲ್ಲಿ ನವೆಂಬರ್ 24 ರಂದು ಜನಶ್ರೀ ಫೈನಾನ್ಸ್ ಮಾಲೀಕ ನಾಗೇಗೌಡ ಎಂಬುವವರನ್ನು ವಂಚಿಸಿ ಕಾಲ್ಕಿತ್ತಿದ್ದರು. ಪಕ್ಕದ ಹಾಸನ ಜಿಲ್ಲೆಯ ಶ್ರವಣಬೆಳಗೊಳದಲ್ಲಿದ್ದ ತಂಡವನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಆರೋಪಿಗಳು ಬಳಸುತ್ತಿದ್ದ ರಾಸಾಯನಿಕ ಪುಡಿಯನ್ನು ವಿಧಿ ವಿಜ್ಞಾನ ಪ್ರಯೋಗಾಲಯಕ್ಕೆ ‌‌ಕಳುಹಿಸಲಾಗಿದ್ದು, ತನಖೆ ಮುಂದುವರೆದಿದೆ.