ಮಡಿಕೇರಿ: ಸ್ಯಾಂಡಲ್‌ವುಡ್ ತಾರೆ ಹರ್ಷಿಕಾ ಪೂಣಚ್ಚ ಜತೆ ಅಸಭ್ಯ ವರ್ತಿಸಿದ ಇಬ್ಬರ ವಿರುದ್ಧ ಮಡಿಕೇರಿ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಕಳೆದ ಗುರುವಾರ ನಗರದ ಹೊರಭಾಗದ ರೆಸಾರ್ಟ್‌ನಲ್ಲಿ ಸ್ನೇಹಿತರ ನಿಶ್ಚಿತಾರ್ಥಕ್ಕೆ ಹರ್ಷಿತಾ ಹಾಗೂ ನಟ ಭುವನ್ ತೆರಳಿದ್ದರು. ಈ ವೇಳೆ ಬನ್ಸಿ ನಾಣಯ್ಯ ಹಾಗೂ ಬಿಪಿನ್ ದೇವಯ್ಯ ಎಂಬುವರು ಹರ್ಷಿಕಾ ಜತೆ ಮಾತಿನ ಚಕಮಕಿ ನಡೆಸಿದ್ದಾರೆ. ಈ ವೇಳೆ ಮಧ್ಯಪ್ರವೇಶಿಸಿದ ಭುವನ್ ಮೇಲೆ ಹಲ್ಲೆ ಮಾಡಿ, ಹರ್ಷಿಕಾ ಪೂಣಚ್ಚರೊಂದಿಗೆ ಅಸಭ್ಯವಾಗಿ ವರ್ತಿತಿಸಿದ್ದಾರೆ ಎನ್ನಲಾಗಿದೆ.
ಅಂದು ರಾತ್ರಿಯೇ ಮಡಿಕೇರಿ ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದ ಭುವನ್, ಹರ್ಷಿಕಾ ಜೊತೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ದೂರು ನೀಡಿದ್ದರು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಬನ್ಸಿ ನಾಣಯ್ಯನ್ನು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ. ಬಿಪಿನ್ ದೇವಯ್ಯ ತಲೆಮರೆಸಿಕೊಂಡಿದ್ದು, ಈತನ ಬಂಧನಕ್ಕೆ ಪೊಲೀಸರು ಬಲೆ ಬೀಸಿದ್ದಾರೆ.
