ಕಲಬುರಗಿಯಿಂದ ಶ್ರಮಿಕ್​​ ರೈಲು ಏರಿದ ಉತ್ತರ ಪ್ರದೇಶದ 1,500 ವಲಸಿಗ ಕಾರ್ಮಿಕರು

ಲಾಕ್​ಡೌನ್ ಸಡಿಲಿಕೆ ಹಿನ್ನೆಲೆ ಕಲಬುರಗಿಯಿಂದ ಉತ್ತರ ಪ್ರದೇಶಕ್ಕೆ ವಲಸೆ ಕಾರ್ಮಿಕರು ಪ್ರಯಾಣ ಬೆಳೆಸಿದ್ದಾರೆ. ಕಲಬುರಗಿ ರೈಲ್ವೆ ನಿಲ್ದಾಣದಿಂದ ಶ್ರಮಿಕ್ ರೈಲಿನ ಮೂಲಕ ಸುಮಾರು 1,500 ಕಾರ್ಮಿಕರು ತಮ್ಮ ತವರು ಊರಿಗೆ ತೆರಳಿದ್ದಾರೆ.

ಕಲಬುರಗಿ: ಲಾಕ್​ಡೌನ್​​ನಿಂದ ಜಿಲ್ಲೆಯಲ್ಲಿ ಸಿಲುಕಿಕೊಂಡಿದ್ದ ಉತ್ತರ ಪ್ರದೇಶದ ವಲಸಿಗರನ್ನು ಕಲಬುರಗಿಯಿಂದ ಲಖನೌಗೆ ಶ್ರಮಿಕ್ ರೈಲು ಮೂಲಕ ಕಳುಹಿಸಲಾಯಿತು.

ರೈಲು ನಿಲ್ದಾಣಕ್ಕೆ ಆಗಮಿಸಿದ ವಲಸಿಗ ಕಾರ್ಮಿಕರನ್ನು ಆರೋಗ್ಯ ಇಲಾಖೆಯ ಸಿಬ್ಬಂದಿ ರೈಲ್ವೆ ನಿಲ್ದಾಣದಲ್ಲಿ ತಪಾಸಣೆ ನಡೆಸಿದರು. ರೈಲಿನಲ್ಲಿ ಸುಮಾರು 1,500 ಕಾರ್ಮಿಕರು ತಮ್ಮ ತವರು ಊರುಗಳಿಗೆ ತೆರಳುತ್ತಿದ್ದಾರೆ.