ಕಲಬುರಗಿ: ಹಾಡಹಗಲೇ ಮನೆಗಳಿಗೆ ಕನ್ನ ಹಾಕುತ್ತಿದ್ದ ಖತರ್ನಾಕ್ ಖದೀಮರನ್ನು ಗ್ರಾಮೀಣ ಠಾಣೆ ಪೊಲೀಸರು ಹೆಡೆಮುರಿ ಕಟ್ಟಿದ್ದಾರೆ.
ತಾಜ್ ಸುಲ್ತಾನಪುರ ನಿವಾಸಿ ಮಧು ಪವಾರ ಮತ್ತು ಸಾವಳಗಿ ನಿವಾಸಿ ಗಣೇಶ್ ಕಾಳೆ ಬಂಧಿತ ಆರೋಪಿಗಳು. ಇವರು ಫೆ.17 ರಂದು ಹಾಡಹಗಲೇ ನಗರದ ಕೆಎಸ್ಆರ್ಟಿಸಿ ಕಾಲೋನಿ ನಿವಾಸಿ ಚಿದಾನಂದ ಎಂಬುವರ ಮನೆಯ ಬೀಗ ಮುರಿದು ಒಳಹೊಕ್ಕು, ಅಲ್ಮೆರಾದಲ್ಲಿದ್ದ ನಗದು ಸೇರಿದಂತೆ ಲಕ್ಷಾಂತರ ರೂ. ಮೌಲ್ಯದ ಬೆಲೆ ಬಾಳುವ ಚಿನ್ನಾಭರಣ ಕದ್ದು ಪರಾರಿಯಾಗಿದ್ದರು.
ಈ ಕುರಿತು ಮನೆ ಮಾಲೀಕ ಚಿದಾನಂದ ಗ್ರಾಮೀಣ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಖದೀಮರಿಗಾಗಿ ಹುಡುಕಾಟ ನಡೆಸಿದ್ದ ಪೊಲೀಸರು ಕೊನೆಗೂ ಕೋಳ ತೊಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಬಂಧಿತರಿಂದ 25 ಗ್ರಾಮ್ ಚಿನ್ನಾಭರಣ ಹಾಗೂ ಒಂದು ಲಕ್ಷ ರೂ. ನಗದು ಜಪ್ತಿ ಮಾಡಲಾಗಿದೆ.
