ಲಾಕ್​ಡೌನ್​ ಸಡಿಲಿಕೆ ಹಿಂಪಡೆದ ಕಲಬುರಗಿ ಜಿಲ್ಲಾಡಳಿತ: ನಿಯಮ ಉಲ್ಲಂಘಿಸಿದವರಿಗೆ ಲಾಠಿ ರುಚಿ

ಲಾಕ್​ಡೌನ್​ ಸಡಿಲಿಕೆಯನ್ನು ಹಿಂಪಡೆದ ಕಾರಣ ಅನಗತ್ಯವಾಗಿ ಓಡಾಡುವವರ ಮೇಲೆ ಪೊಲೀಸರು ಲಾಠಿ ಬೀಸಿದ್ದಾರೆ. ಅಂಗಡಿ-ಮಾರುಕಟ್ಟೆಗಳನ್ನು ಮುಚ್ಚುವಂತೆ ಜಿಲ್ಲಾಡಳಿತ ಆದೇಶ ಹೊರಡಿಸಿದೆ.

ಕಲಬುರಗಿ: ಲಾಕ್​ಡೌನ್​ ಸಡಿಲಿಕೆ ಹಿಂಪಡೆದ ಹಿನ್ನೆಲೆ ಅನಗತ್ಯವಾಗಿ ಸುತ್ತಾಡುತ್ತಿದ್ದ ಹಾಗೂ ನಕಲಿ ಪಾಸ್​ ಬಳಸಿ ಬೀದಿಗಿಳಿಯುತ್ತಿದ್ದ ಜನರಿಗೆ ಪೊಲೀಸರು ಲಾಠಿ ಬಿಸಿ ತೋರಿಸಿದ ಘಟನೆ ನಗರದ ಸೂಪರ್ ಮಾರುಕಟ್ಟೆ ಹಾಗೂ ಇತರೆಡೆ ನಡೆದಿದೆ.

ಲಾಕ್​ಡೌನ್​ ಸಡಿಲಿಕೆ ಹಿಂಪಡೆದ ಜಿಲ್ಲಾಡಳಿತ

ಕೊರೊನಾ ಸೋಂಕಿನ ಪ್ರಕರಣಗಳು ಹೆಚ್ಚಾದ ಹಿನ್ನೆಲೆ ಲಾಕ್​ಡೌನ್​ನಲ್ಲಿ ನೀಡಲಾಗಿದ್ದ ಸಡಿಲಿಕೆಯನ್ನು ಹಿಂದಕ್ಕೆ ಪಡೆದು, ಅಂಗಡಿ-ಮುಂಗಟ್ಟು ಮುಚ್ಚುವಂತೆ ಜಿಲ್ಲಾಧಿಕಾರಿ ಸಿ.ಬಿ.ಶರತ್​ ಆದೇಶ ಹೊರಡಿಸಿದ್ದಾರೆ.

ನಗರದ ಪ್ರಮುಖ ವೃತ್ತಗಳಲ್ಲಿ ಪೊಲೀಸರು ನಿಗಾ ವಹಿಸಿದ್ದು, ಬೈಕ್​ ಸವಾರರಿಗೆ ಎಚ್ಚರಿಕೆ ರವಾನಿಸಿದ್ದಾರೆ.