ಸೇಡಂ(ಕಲಬುರಗಿ): ಕೊರೊನಾ ಭೀತಿ ಹಿನ್ನಲೆ ವ್ಯಕ್ತಿಯೊಬ್ಬ ತನ್ನ ಸ್ವಗ್ರಾಮಕ್ಕೆ ಹಿಂದಿರುಗುವಾಗ ಮೃತಪಟ್ಟಿದ್ದು, ಹಸಿವಿನಿಂದ ಸಾವನ್ನಪ್ಪಿರುವ ಶಂಕೆ ವ್ಯಕ್ತವಾಗಿದೆ.
ತಾಲೂಕಿನ ಇಟಕಾಲ ಗ್ರಾಮದ ನಿವಾಸಿ ಅಲ್ಲಿಸಾಬ ಸತ್ತಾರ (೪೬) ಮೃತ ವ್ಯಕ್ತಿ. ಈತ ತೆಲಂಗಾಣದ ಹೈದ್ರಾಬಾದ್ನ ಹೊಟೇಲ್ವೊಂದರಲ್ಲಿ ಕೆಲಸ ಮಾಡುತ್ತಿದ್ದ. ಕೊರೊನಾ ಭಯದ ಹಿನ್ನೆಲೆಯಲ್ಲಿ ಸ್ವಗ್ರಾಮಕ್ಕೆ ತೆರಳುವಾಗ ವಾಹನ ಸಿಕ್ಕಿರಲಿಲ್ಲ. ಇದರಿಂದಾಗಿ ಕಾಲ್ನಡಿಗೆಯಲ್ಲೇ ಬರುತ್ತಿದ್ದಾಗ ಪರಗಿ ಎಂಬ ಊರಿನ ಬಳಿ ಕೊನೆಯುಸಿರೆಳೆದಿದ್ದಾನೆ.
ಹಸಿವು, ಬಿಸಿಲಿನಿಂದ ಬಳಲಿ ಅಲ್ಲಿಸಾಬ ಸಾವನ್ನಪ್ಪಿದ್ದಾನೆ ಎಂದು ಹೇಳಲಾಗ್ತಿದೆ. ಆದ್ರೆ ಈ ಬಗ್ಗೆ ಖಚಿತ ಮಾಹಿತಿ ಲಭ್ಯವಾಗಿಲ್ಲ.
