ಗ್ರಹಣದ ವೇಳೆ ಆಹಾರ ತಿಂದ ಕಲಬುರಗಿ ಮಂದಿ... ಮೂಢನಂಬಿಕೆ 'ಚಿಂದಿ'

ಗ್ರಹಣದ ವೇಳೆ ಆಹಾರ ಸೇವಿಸಬಾರದೆಂಬ ಮೌಢ್ಯ ಓಡಿಸಲು ಭಾರತೀಯ ಜ್ಞಾನ ವಿಜ್ಞಾನ ಸಮಿತಿ ಸದಸ್ಯರು ಕಲಬುರಗಿಯಲ್ಲಿ ಗ್ರಹಣದ ವೇಳೆಯೇ ಆಹಾರ ಸೇವಿಸಿದ್ರು.

ಕಲಬುರಗಿ:ಸೂರ್ಯಗ್ರಹಣದ ವೇಳೆ ಆಹಾರ ಸೇವಿಸಬಾರದೆಂಬ ಮೌಢ್ಯತೆ ಹೊಡೆದೋಡಿಸಲು ಕಲಬುರಗಿಯಲ್ಲಿ ಭಾರತೀಯ ಜ್ಞಾನ ವಿಜ್ಞಾನ ಸಮಿತಿ ನೇತೃತ್ವದಲ್ಲಿ ವಿಶೇಷ ಕಾರ್ಯಕ್ರಮ ಆಯೋಜಿಸಲಾಗಿತ್ತು.

ನಗರದ ಜಗತ್ ವೃತ್ತದಲ್ಲಿ ಮೂಢನಂಬಿಕೆ ಹೊಡೆದೋಡಿಸಲು ಗ್ರಹಣದ ವೇಳೆ ಆಹಾರ ಸೇವನೆ ಮಾಡಲಾಯಿತು. ಇನ್ನೂ ಗ್ರಹಣ ವೀಕ್ಷಣೆಗೆ ವ್ಯವಸ್ಥೆ ಮಾಡಲಾಗಿತ್ತು. ಕಾರ್ಯಕ್ರಮದಲ್ಲಿ ಭಾಗಿಯಾದ ಮಕ್ಕಳು, ಮಹಿಳೆಯರು, ಪ್ರಗತಿಪರರು, ಗ್ರಹಣ ವೀಕ್ಷಣೆ ಮಾಡಿದರು. ಗ್ರಹಣ ವೀಕ್ಷಿಸುತ್ತಲೇ ಬಾಳೆ ಹಣ್ಣು ಸವಿದರು.

ಗ್ರಹಣ ಪ್ರಕೃತಿಯಲ್ಲಿ ನಡೆಯೋ ಸಹಜ ಪ್ರಕ್ರಿಯೆ. ಅದರಿಂದ ಕೆಟ್ಟದಾಗಲಿದೆ ಎಂಬುದು ಮೌಢ್ಯ. ಹೀಗಾಗಿ ಗ್ರಹಣಕ್ಕೆ ಯಾರೂ ಮೌಢ್ಯತೆಯ ಲೇಪನ ಮಾಡದಿರುವಂತೆ ಸಮಿತಿ ಸದಸ್ಯರು ಕರೆ ನೀಡಿದರು.