ಕಲಬುರಗಿ: ನಗರದ ಕೊರಂಠಿ ಹನುಮಾನ ದೇವಸ್ಥಾನದ ಬಳಿಯಿರುವ ಡಾನ್ ಬಾಸ್ಕೋ ಮಕ್ಕಳ ಸಂರಕ್ಷಣಾ ಶಾಲೆಯಲ್ಲಿನ ಮಮತೆಯ ತೊಟ್ಟಿಲಿನಲ್ಲಿ ನವಜಾತ ಹೆಣ್ಣು ಮಗುವನ್ನು ಬಿಟ್ಟು ಹೋಗಿದ್ದಾರೆ.
ಕಲಬುರಗಿಯಲ್ಲಿ ನವಜಾತ ಹೆಣ್ಣುಮಗುವಿನ ರಕ್ಷಿಸಿದ ಮಹಿಳೆ
ಹೆತ್ತವರಿಗೆ ಬೇಡವಾದ ಕಂದಮ್ಮನನ್ನು ಬೀದಿಬದಿ ಎಸೆಯುವುದನ್ನು ತಪ್ಪಿಸಲು ಡಾನ್ ಬಾಸ್ಕೋ ಸ್ಕೂಲ್ ಬಳಿ ಮಮತೆಯ ತೊಟ್ಟಿಲು ಇಡಲಾಗಿದೆ. ತಡರಾತ್ರಿ ಯಾರೋ ಮಗುವನ್ನು ಈ ತೊಟ್ಟಿಲಲ್ಲಿ ಬಿಟ್ಟು ಹೋಗಿದ್ದಾರೆ. ತೊಟ್ಟಿಲಿನಲ್ಲಿ ಮಗು ಇರುವುದನ್ನು ಗಮನಿಸಿದ ಡಾನ್ ಬಾಸ್ಕೋ ಸಿಬ್ಬಂದಿ ಪುಟ್ಟ ಕಂದಮ್ಮನನ್ನು ರಕ್ಷಣೆ ಮಾಡಿದ್ದಾರೆ.
ನವಜಾತ ಶಿಶುವನ್ನು ಜಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆರೈಕೆ ಮಾಡಲಾಗುತ್ತಿದೆ.
